دنیا

مسئلہ کشمیر پر پاکستان و ہندوستان مذاکرات کریں۔ یورپی یونین

شیعہ نیوز (پاکستانی شیعہ خبر رساں ادارہ) یورپی یونین نے کشمیریوں کی شمولیت کے ساتھ مسئلہ کشمیر خصوصاً موجودہ صورتِ حال پر پاکستان اور ہندوستان کے مابین فوری مذاکرات پر زور دیا ہے۔

یورپی وزارت خارجہ کے اعلیٰ عہدیدار دیتمار کرسلر نے کہا ہے کہ یورپی یونین چاہتی ہے کہ ہندوستان اور پاکستان دونوں ممالک کشمیریوں کی ہر ممکن شمولیت کے ساتھ تنازعہ کا حل تلاش کریں۔

انسانی حقوق کی خلاف ورزیوں کے بارے میں انہوں نے کہا کہ دونوں ملکوں کی انسانی حقوق کی بین الاقوامی ذمہ داریوں کو مدِنظر رکھتے ہوئے انسانی حقوق کی پامالی کی مکمل، فوری اور شفاف تحقیقات ہونی چاہیے۔

ای یو کے خط میں مزید کہا گیا ہے کہ یورپی یونین کی اعلیٰ سفارتی نمائندہ (وزیرخارجہ) فیڈریکا موگرینی نے اپنے بیانات اور پاکستان اور ہندوستان کے ساتھ براہِ راست رابطوں کے دوران کشیدگی کم کرنے پر زور دیا اور یہ بہت اہم ہے کہ پاکستان اور ہندوستان سفارتی اور سیاسی سطح پر آپس میں بات چیت بحال کریں۔

واضح رہے کہ ای یو کے اعلی عہدیدار نے خط کا جواب کشمیر کونسل ای یو کے چیئرمین علی رضا سید کے خط کے جواب میں تحریر کیا ہے ۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button