میڈیا کو دین اسلام کی ترویج کیلئے اہم کردار ادا کرنا چاہیئے
شیعہ نیوز ( پاکستانی شیعہ خبر رساں ادارہ) سکردو بلتستان کے امام جمعہ و الجماعت علامہ شیخ حسن جعفری کا قم المقدسہ میں میڈیا نمائندگان سے گفتگو میں کہنا تھا کہ ہمیں میڈیا کی اہمیت کو سمجھتے ہوئے دین مبین اسلام کی تعلیمات کو دنیا تک پہنچانے میں اہم کردار ادا کرنے کی ضرورت ہے۔
انہوں نے کہا کہ میڈیا کی اہمیت کا اس بات سے اندازہ ہوتا ہے کہ غدیر خم میں بھی پیغمبر اسلام صلی اللہ علیہ وآلہ وسلم نے ولایت امیرالمومنین علیہ السلام کا اعلان کرنے کے بعد ولایت کے اس اہم پیغام کو دنیا کے گوشہ و کنار تک پہنچانے کی تاکید فرمائی۔
یہ خبر بھی پڑھیں قومی سلامتی پالیسی پر قومی اتفاق رائے پیدا کیا جائے، علامہ ساجد نقوی
انہوں نے مزید کہا کہ آج دنیا پہلے کی نسبت سچائی کی زیادہ متلاشی ہے، لہذا ہمیں چاہیئے کہ اپنی شناخت برقرار رکھتے ہوئے اسلام کی اصلی اور بنیادی تعلیمات سے دنیا کو آگاہ کریں۔
شیخ حسن جعفری کا مزید کہنا کہ ہمیں میڈیا کا صحیح استعمال کرتے ہوئے دشمن کی سازشوں کو ناکام بنانے کی ضرورت ہے۔
