
اسلامی تحریک شمالی پنجاب کے زیر اہتمام ملی یکجہتی کونسل کا اجلاس
فروری کو یوم کشمیر ، فلسطین کے عنوان سے سرکاری طور پر منایا جائے اور ماہ رمضان المبارک میں آخری جمعہ کویوم القدس کے عنوان سے ملی یکجہتی کونسل پاکستان کے پلیٹ فارم سے بھرپورانداز میں منانا چاہیے
شیعہ نیوز: ملی یکجہتی کونسل پاکستان شمالی پنجاب کے صدر ڈاکٹر طارق سلیم کی صدارت میں اسلامی تحریک پاکستان شمالی پجاب کی میزبانی میں ملی یکجہتی کونسل شمالی پنجاب کا پہلا صوبائی اجلاس اسلام آباد کے مقامی ہوٹل میں منعقد ہوا اجلاس میں صدر اسلامی تحریک شمالی پنجاب سینئر نائب صدر ملی یکجہتی کونسل پاکستان شمالی پنجاب علامہ سید اشتیاق حسین کاظمی نے اظہار خیال کرتے ہوئے کہا کہ 5 فروری کو یوم کشمیر ، فلسطین کے عنوان سے سرکاری طور پر منایا جائے اور ماہ رمضان المبارک میں آخری جمعہ کویوم القدس کے عنوان سے ملی یکجہتی کونسل پاکستان کے پلیٹ فارم سے بھرپورانداز میں منانا چاہیے۔
اجلا س میں شامل شرکامفتی عبدالباسط جواد،غیاث کیانی،عبدالقدوس قدوسی،عرفان حسین حسینی،علامہ فرحت عباس جوادی ،الحاج سید زاہد عباس کاظمی ،سید آصف لطیف،علامہ سید انتظار مہدی نجفی،علامہ سید مظہر حسین کاظمی ،انتصار حیدر ملک،علامہ ابرار حسین قادری،عبدالرحیم بابر،محمد شعیب صدیقی،محمد عثمان عثمانی،حافظ عبدالحفیظ،محمد عثمان آکاش،سید دلدار حسین کاظمی،سید ظہیر شیرازی اورخالد مبین نے خطاب کیا۔
یہ بھی پڑھیں: وزیر اعلیٰ گلگت بلتستان حاجی گلبر خان کی علامہ ساجد علی نقوی سے ملاقات
اجلاس کی میزبانی اسلامی تحریک پاکستان شمالی پنجاب نے کی جس میں ملی یکجہتی کونسل میں شامل تمام جماعتوں کے عہدیداران نے بھرپور شرکت کی اجلاس کے اختتام پر اسلامی تحریک پاکستان کے صوبائی صدر،ملی یکجہتی کونسل پاکستان کے سینئر نائب صدر علامہ سید اشتیاق حسین کاظمی اور جنرل سیکرٹری غلام شبیر ضیغم نے معزز مہمانوں کا شکریہ ادا کیااور قراردادیں پیش کیں۔