یوم انہدام جنت البقیع کے موقع پر علامہ سید ساجد علی نقوی کا پیغام

شیعہ نیوز: علامہ سید ساجد علی نقوی نے کہا ہے کہ جنت المعلی اور جنت البقیع ہمیں رسول ؐخدا،کے اجداد طاہرین، آل پاک ؑ اور اصحاب باوفا کے ساتھ عقیدت اور وابستگی کے اسباب فراہم کرتے ہیں۔ 1925-26 سے خاندان رسالت کی برگزیدہ شخصیات‘ امہات المومنین اورصحابہ کرام سے منسوب تاریخی ورثے اور اثاثے کی موجودہ حالت عوام کے لئے رنج کا باعث بنی ہوئی ہے۔

یہ بھی پڑھیں: آٹھ شوال 1926 تاریخ اسلام کا سیاہ ترین دن ہے، علامہ مقصود ڈومکی

لہذا حکمت، دانش اور وقت کی ضرورت کا تقاضا یہ ہے کہ اہل بیت ؑ رسول اور دیگر محترم ہستیوں کے مزارات اور قبور کی از سر نو شایان شان تعمیر کی جائے تاکہ مسلم عوام کے جذبات کی تسکین ہو اور تہذیبی آثار اور ثقافتی ورثے کی حفاظت کو یقینی بنا کر مسلمانوں کی یکجہتی اور اتحاد کو مضبوط بنایا جائے۔