فلسطین کی حمایت میں لاکھوں کی تعداد میں یمنی عوام ایک بار پھر سڑکوں پر نکل آئے

شیعہ نیوز: یمنی عوام نے ایک بار پھر لاکھوں کی تعداد میں غزہ میں فلسطینی عوام کی حمایت کا اظہار کیا۔

آئی آر آئی بی نیوز کے مطابق یمن کے عوام نے گزشتہ چند ماہ سے غزہ کی حمایت میں جاری اپنے ہفتہ وار مظاہرے کے سلسلے کو آگے بڑھاتے ہوئے ایک بار پھر جمعے کے روز دارالحکومت صنعا سمیت ملک کے مختلف علاقوں میں اجتماع کیا۔

یہ بھی پڑھیں : خطے میں امن اور صلح کی ترویج کے لئے اقوام متحدہ سے تعاون کے لئے تیار ہیں، ایران

ملک بھر میں دسیوں لاکھ یمنیوں نے سڑکوں پر نکل کر ایک بار پھر غزہ کی حمایت میں آواز اٹھائی اور وہاں جاری ناجائز صیہونی ٹولے کے بہیمانہ اور انسانیت سوز جرائم کی سخت مذمت کی۔

گزشتہ روز ہونے والے عوامی اجتماعات ’’آلہ کاروں کی پرواہ کئے بغیر غزہ کے ہمراہ ثابت قدم ہیں‘‘ کے نعرے کے ساتھ انجام پائے۔