منہاج القرآن کے وفد کی جامعہ عارف الحسینی آمد، سانحہ کوچہ رسالدار پر تعزیت

شیعہ نیوز (پاکستانی شیعہ خبر رساں ادارہ) تحریک منہاج القرآن کے ایک وفد نے جامعہ شہید عارف حسین الحسینی کا دورہ کیا اور امامیہ مسجد کوچہ رسالدار پشاور کے سانحہ پر تعزیت کی۔

وفد نے علامہ عابد حسین شاکری سے ملاقات کی اور شہداء کی بلندی درجات کیلئے فاتحہ خوانی بھی کی۔ تحریک منہاج القرآن کے وفد نے سانحہ کی شدید الفاظ میں مذمت کرتے ہوئے ملک سے دہشتگردی کے خاتمے کیلئے حکومتی اقدامات کا مطالبہ کیا اور اسے انسان دشمنی کی بدترین مثال قرار دیا۔

یہ خبر بھی پڑھیں قرآنی و اسلامی اصطلاحات کو سیاسی مقاصد کیلئے استعمال نہ کیا جائے

واضح رہے کہ اس المناک سانحے کے حوالے سے اب تک متعدد وفود جامعہ شہید عارف الحسینی کا دورہ کرچکے ہیں۔