ایم کیو ایم وفد کی ایم ڈبلیو ایم کراچی کی قیادت سے ملاقات، آل پارٹیز کانفرنس کی دعوت

شیعہ نیوز:متحدہ قومی موومنٹ پاکستان کی رابطہ کمیٹی کے رکن عبدالحسیب نے وفد کے ہمراہ مجلس وحدت مسلمین کراچی ڈویژن کی قیادت سے بارگاہ فاطمتہ الزہراؑ انچولی سوسائٹی میں ملاقات کی۔ اس موقع پر ایم ڈبلیو ایم کراچی ڈویژن کے صدر علامہ صادق جعفری، نائب صدر میر تقی ظفر، پولیٹیکل سیکریٹری علامہ مبشر حسن، سیکریٹری امور عزاداری رضی حیدر رضوی، ڈویژنل پولیٹیکل کونسل کے اراکین میثم عابدی اور فرحت عباس رضوی بھی موجود تھے۔ ایم کیو ایم پاکستان کے وفد نے ملاقات کے دوران مردی شماری پر تحفظات کے حوالے سے منعقدہ آل پارٹیز کانفرنس میں شرکت کا دعوت نامہ پیش کیا، اس موقع پر شہر کی موجودہ سیاسی صورتحال اور دیگر امور پر بھی تبادلہ خیال کیا گیا۔