پاکستانی شیعہ خبریںہفتہ کی اہم خبریں

ایم ڈبلیو ایم بلوچستان کا آٹھ فروری کو یوم سیاہ منانے کا اعلان

مشترکہ اجلاس کے اعلامیے کے مطابق پاکستانی عوام جعلی و بوگس فارم 47 والوں کو مسترد کرتے ہیں، غیر منتخب و مسلط شدہ نمائندے کسی صورت منظور نہیں ہیں۔ اجلاس میں مشترکہ طور پر فیصلہ ہوا کہ مجلس وحدت مسلمین 8 فروری کو عوامی طاقت کے ساتھ پرامن احتجاج ریکارڈ کرائے گی

شیعہ نیوز: مجلس وحدت مسلمین بلوچستان نے تحریک تحفظ آئین پاکستان کی رکن جماعت پشتونخوا ملی عوامی پارٹی کی جانب سے آٹھ فروری کو بطور یوم سیاہ منانے کے فیصلے کی حمایت کی ہے۔ یہ فیصلہ ایم ڈبلیو ایم بلوچستان کے صوبائی سیکرٹریٹ کوئٹہ میں گزشتہ شب ایم ڈبلیو ایم علمدار روڑ اور ہزارہ ٹاون کے صوبائی و ضلعی کابینہ کے مشترکہ اجلاس میں ہوا۔

اجلاس میں کہا گیا کہ 4 فروری 2025 کو پشتونخواء عوامی ملی پارٹی کے مرکزی آفس میں ہونے والے تحریک تحفظ آئین پاکستان کے اجلاس میں اتحادی جماعتوں میں ایم ڈبلیو ایم نے بھرپور حمایت کا اعلان کرتے ہوئے 8 فروری 2024 کے انتخابات میں فارم 47 کے توسط سے بنائی گئی جعلی حکومت کے خلاف کوئٹہ سٹی میں 8 فروری کو یوم سیاہ منایا جائے گا۔

یہ بھی پڑھیں: ہندوستان بندوق کی نوک پر کشمیریوں سے ان کاحق خود ارادیت نہیں چھین سکتا،سینیٹر علامہ راجہ ناصر عباس

مشترکہ اجلاس کے اعلامیے کے مطابق پاکستانی عوام جعلی و بوگس فارم 47 والوں کو مسترد کرتے ہیں، غیر منتخب و مسلط شدہ نمائندے کسی صورت منظور نہیں ہیں۔ اجلاس میں مشترکہ طور پر فیصلہ ہوا کہ مجلس وحدت مسلمین 8 فروری کو عوامی طاقت کے ساتھ پرامن احتجاج ریکارڈ کرائے گی۔ انہوں نے کہا کہ احتجاجی ریلی میں عوامی طاقت سے ثابت کریں گے کہ پاکستانی عوام اپوزیشن جماعتوں کے ووٹرز و سپورٹر ہیں اور ہماری مینڈیٹ پر ڈھاکہ ڈال کر نااہل حکومت قائم کی گئی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button