پاکستانی شیعہ خبریںہفتہ کی اہم خبریں

کراچی، مجلس وحدت مسلمین کا سوئیڈن میں قرآن پاک کی بے حرمتی کے خلاف احتجاجی مظاہرہ

شیعہ نیوز (پاکستانی شیعہ خبر رساں ادارہ) سویڈن میں قرآن مجید کے نسخے کی بے حرمتی کرنے کی شدید مذمت کرتے ہیں، مسلم دنیا کے جذبات کو مجروح کرنا انتہائی مجرمانہ عمل ہے جس کی آزادی اظہار کی آڑ میں قطعاً اجازت نہیں دی جا سکتی۔ ان خیالات کا اظہار مجلس وحدت مسلمین پاکستان کراچی ڈویژن کے تحت کراچی پریس کلب کے باہر منعقد احتجاجی مظاہرے سے خطاب کرتے ہوئے مقررین نے کیا۔

مجلس وحدت مسلمین کراچی ڈویژن کے زیر اہتمام سویڈن میں قرآن پاک کی بے حرمتی کے خلاف پریس کلب کے سامنے ہونے والے احتجاجی مظاہرے سے ایم ڈبلیوایم صوبہ سندھ کے نائب صدر علامہ مختاراحمد امامی، کراچی ڈویژن کےصدر علامہ صادق جعفری،علامہ مبشرحسن، علامہ حیات عباس نجفی، علامہ ملک غلام عباس، معروف دیوبند عالم دین انتظارالحق تھانوی، چیئرمین متحدہ علماءمحاذمولانا محمد امین انصاری،رہنما جمعیت علمائے پاکستان مفتی محمود داؤد، رہنما پاکستان تحریک انصاف اسرارعباسی،جنرل سیکریٹری فلسطین فاؤنڈیشن پاکستان ڈاکٹر صابر ابو مریم سمیت دیگر رہنماوں نے خطاب کرتے ہوئے کہا کہ اپنے آپ کو مہذب کہنے والی نام نہاد مغربی دنیا کا مکروہ چہرہ اس طرح کی قبیح حرکتوں سے پوری دنیا پر عیاں ہو جانا چاہیے، قرآن مجید کی بے حرمتی سے صاف ظاہر ہوتا ہے کہ کسی طور پر بھی انسانی اقدار کا پاس نہیں ہے اور اسلام فوبیا کا مرض مغربی ممالک میں بڑھتا جا رہا ہے جس پر مسلمانوں سمیت ہر باضمیر انسان کا دل دکھی اور تشویش میں مبتلا ہے اور اس اشتعال انگیز حرکت پر مسلم ورلڈ سے سخت ردعمل کا آنا فطری عمل ہے۔

یہ خبر بھی پڑھیں قرآن مجید کے نسخے کی بے حرمتی کی شدید مذمت کرتا ہوں، علامہ راجہ ناصر عباس

انہوں نے کہا کہ کوئی بھی مذہب دوسرے مذاہب کے مقدسات کی توہین کی ہرگز اجازت نہیں دیتا جس سے کسی کے مذہبی جذبات مجروع ہوں اور دل آزاری ہو مگر دلی دکھ کے ساتھ کہنا پڑتا ہے کہ مغربی معاشرے میں اس مجرمانہ عمل کو یکے بعد دیگرے دوہرایا جاتا ہے لیکن اس پر انسانی حقوق اور عالمی امن کے نام پر نوبل پرائز دینے والے اداروں کا دوہرا معیار قابل مذمت ہے متعلقہ حکومتیں بھی اس مجرمانہ عمل میں ملوث افراد کو سزا نہیں دیتی ہیں جن کی بدولت آئے روز مغربی ممالک میں مسلمانوں کے مقدسات کی بے حرمتی کے واقعات کا رونما ہونا معمول بنتا جا رہا ہے۔مظاہرین نے سوئیڈن اور امریکہ کے پرچم بھی نظر آتش کے اور مردہ باد امریکہ و سوئیڈن کے نعرے بھی لگائے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button