پاکستانی شیعہ خبریںہفتہ کی اہم خبریں

کراچی، ایم ڈبلیو ایم کا سوئیڈن میں قرآن مجید کی بے حرمتی کے خلاف احتجاجی مظاہرہ

شیعہ نیوز (پاکستانی شیعہ خبر رساں ادارہ) سوئیڈن میں قرآن مجید کی بے حرمتی کے خلاف مجلس وحدت مسلمین کراچی ڈویژن نے کراچی پریس کلب کے باہر احتجاجی مظاہرہ کیا۔

احتجاج میں مختلف مکاتب فکر کے علماء کرام، شخصیات سمیت ایم ڈبلیو ایم کے کارکنان کی بڑی تعداد موجود تھی۔ مظاہرین نے سوئیڈن حکومت امریکہ و اسرائیل کے خلاف شدید نعرے بازی کی۔ احتجاجی مظاہرین نے سوئیڈن کے خلاف شدید نعرے بازی کی سوئیڈن کا پرچم بھی نظر آتش کیا گیا۔

احتجاجی مظاہرے سے خطاب کرتے ہوئے مجلس وحدت مسلمین کراچی کے صدر علامہ صادق جعفری نے کہا کہ سوئیڈن حکومت کی جانب سے قرآن پاک کی بے حرمتی کی اجازت دینا ناقابل برداشت عمل ہے، مقدسات کی توہین کسی صورت بھی قابل قبول نہیں۔

انہوں نے کہا کہ سوئیڈن میں قرآن مجید کی بے حرمتی پر روسی صدر ویلادمیر پوٹین کا موقف قابل ستائش ہے۔ سوئیڈن کی حکومت واقعے میں ملوث گستاخ کو سخت سزادے۔

یہ خبر بھی پڑھیں آزادی اظہار کی آڑ میں اسلامی مقدسات کی توہین ناقابل برداشت عمل ہے، علامہ راجہ ناصرعباس

علامہ صادق جعفری نے حکومت پاکستان پر سخت تنقید کرتے ہوئے کہا کہ قرآن مجید کی بے حرمتی پر وزیر خارجہ بلاول بھٹو اور حکومت کا کر دار مجرمانہ ہے، سوئیڈن عملے اور سفیر کو بلا کر اس کی سرزنش کی جائے۔

احتجاجی مظاہرے سے دیگر مقررین نے سخت الفاظ میں مذمت کرتے ہوئے کہا کہ سوئیڈن میں توہین کا یہ پہلا واقعہ نہیں حکومت پاکستان سوئیڈن کے سفیر کو فوری ملک بدر کریں۔ تمام عالم اسلام سوئیڈن حکومت سے سفارتی تعلقات منقطع کرے، سوئیڈن کی حکومت نے فریڈم آف ایکسپریشن کے کالے قانون کو لاگو کیا۔

مقررین نے کہا کہ سوئیڈن کا یہ کالا قانون صہیونی کالا قانون ہے۔عالمی استعمار امریکہ و اسرائیل ایسے تمام کالے قانون اور بے حرمتیوں کے پیچھے ہیں ۔افسوس سے کہنا پڑھتا ہے کے ملکی موجودہ حکومت اپنے خلاف تو فوری کاوائیاں عمل میں لاتی ہے مگر قرآن کی بے حرمتی کے خلاف آج تک کوئی مذمت نہیں کی۔

احتجاجی مظاہرے میں علامہ مبشر حسن ،ڈاکٹر صابر ابو مریم،مولانا اسحاق قرائتی،مولانا ملک غلام عباس، عبدالوحید یونس، قاری ادریس، مولانا نشان حیدر، مولانا بشیر انصاری، رضی حیدر، احسن عباس سمیت دیگر رہنما موجود تھے۔

واضح رہے کہ گزشتہ روز سے پاکستان میں #BoycottSwedishBrands اور #سویڈن_سےسفارتی_تعلقات_ختم_کرو ٹرینڈ کررہا ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button