کراچی: سانحہ اسلام آباد کے خلاف ایم ڈبلیو ایم کا دھرنا، کراچی میں یوم سوگ

شیعہ نیوز (کراچی) اسلام آباد میں دھرنوں کے شرکاء پر شیلنگ اور فائرنگ کے خلاف متحدہ قومی موومنٹ (ایم کیو ایم) نے آج یومِ سوگ منانے کا اعلان کیا ہے جس کے بعد کراچی شہر کے حالات کشیدہ ہیں۔
دوسری جانب تحریک انصاف نے آج اتوار کو ملک گیر ہڑتال کا اعلان کیا ہے، جس کی سنی تحریک اور مجلس وحدت المسلمین نے حمایت کی ہے۔
خیال رہے کہ ایم کیو ایم کی جانب سے گزشتہ رات اسلام آباد میں جھڑپوں کی مذمت کرتے ہوئے آج عوام سے کاروبار بند رکھنے کی اپیل کی تھی۔
اطلاعات کے مطابق صبح سے شہر کے اکثر پیٹرول پمز، کاروباری مراکز اور دکانیں بند ہیں، جبکہ سڑکوں پر پبلک ٹرانسپورٹ بھی نہ ہونے کے برابر ہے۔
ادھر نمائش چورنگی پر مجلس وحدتِ مسلمین کا دھرنا جاری ہے، جس کے باعث سڑک کو ہر قسم کی ٹریفک کے لیے بند کردیا گیا ہے۔