اہم پاکستانی خبریں

پیپلز پارٹی میں میری جوتی جاتی ہے، شاہ محمود قریشی کا دوٹوک جواب

شیعہ نیوز: پاکستان تحریک انصاف (پی ٹی آئی) کے مرکزی رہنماء اور سابق وزیر خارجہ شاہ محمود قریشی نے پیپلز پارٹی میں جانے سے متعلق کی جانے والی باتوں کا دو ٹوک جواب دے دیا۔ ملتان میں میڈیا سے گفتگو کرتے ہوئے شاہ محمود قریشی نے کہا کہ راجا ریاض کہہ رہے ہیں کہ میں پیپلز پارٹی میں جا رہا ہوں، میں کہتا ہوں کہ پیپلز پارٹی میں میری جوتی جاتی ہے۔ سابق وزیر خارجہ نے کہا کہ میرا پورا خاندان عمران خان کے ساتھ ہے، مجھے نواز شریف اور آصف علی زرداری کی جانب سے دعوت تھی، میں نے سوچ سمجھ کر عمران خان کا ساتھ دیا۔

شاہ محمود قریشی نے کہا کہ کل تاریخی جلسے نے ماضی کے ریکارڈ توڑ دیئے، جلسہ میں صرف مقامی لوگ تھے، یہ آزمائے ہوئے چہرے ہیں، قوم نے انہیں مسترد کر دیا ہے۔ انہوں نے کہا کہ پی ٹی آئی کے نوجوانوں کو جواب دینا آتا ہے، راجا ریاض کو قائد حزب اختلاف کہتے ہوئے شرم آنی چاہیئے۔ شاہ محمود قریشی نے کہا کہ خاتون جن کا سیاست سے تعلق نہیں، ان کے خلاف باتوں کی مذمت کرتا ہوں۔ انہوں نے مزید کہا کہ ہر گھر میں ماں اور بہنیں ہیں، شائستگی کے دامن کو نہ چھوڑیں۔ پی ٹی آئی وائس چیئرمین کا کہنا تھا کہ ہم نے الیکشن مہم پُرامن طریقے سے چلائی ہے، یہ 20 حلقے ان کی زندگی موت کا سوال ہیں، سوچ رہے ہیں کہ ان کو نیم وزیراعلیٰ کہا جائے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button