نئی شامی حکومت سے تعلقات برقرار کرنا چاہتے ہیں، نیتن یاہو

شیعہ نیوز: صہیونی وزیراعظم نیتن یاہو نے شام پر حملوں کے بعد کہا ہے کہ نئی شامی حکومت کے ساتھ تعلقات قائم کرنے کی خواہش رکھتے ہیں۔

المیادین نے کہا ہے کہ صہیونی وزیراعظم نیتن یاہو نے دمشق میں قائم ہونے والی نئی حکومت کے ساتھ تعلقات برقرار کرنے کی خواہش کا اظہار کیا ہے۔

ایک طرف تعلقات کی خواہش رکھنے والے نیتن یاہو نے دوسری طرف اپنی فضائیہ کو شامی فوج کے مراکز پر حملے جاری رکھنے کا حکم دیا ہے۔ انہوں نے دعوی کیا ہے کہ ان حملوں سے شامی فوج کے ہتھیار دہشت گردوں کے ہاتھ لگنے سے بچ جائیں گے۔

یہ بھی پڑھیں : دہشت گردوں کے حامی ممالک مقدس مقامات پر ممکنہ حملے کے لئے جوابدہ ہوں گے، عراقی حزب اللہ

انہوں نے کہا کہ اگر نئی شامی حکومت ایران کو ملک میں آنے دے یا حزب اللہ کو ہتھیاروں کی فراہم کا راستہ دے تو ہم پوری طاقت کے ساتھ جواب دیں گے اور شامی حکومت کو سنگین قیمت ادا کرنا پڑے گا۔

اس سے پہلے صہیونی فوج نے ایک بیان میں کہا ہے کہ شامی فوج کی اصلی طاقت ختم ہوگئی ہے لہذا صہیونی فوج کے اصلی حملے ختم ہوگئے ہیں۔

صہیونی ریڈیو کے مطابق اسرائیلی حملوں میں شامی فوج کی 70 سے 80 فیصد دفاعی طاقت تباہ ہوگئی ہے۔