مشرق وسطی

نیتن یاہو کا خطاب جھوٹ کا پلندہ تھا، اقوام متحدہ میں فلسطینی نمائندے کا ردعمل

شیعہ نیوز: امریکی کانگریس سے صہیونی وزیراعظم کے خطاب کے بعد اقوام متحدہ میں فلسطینی نمائندے نے کہا ہے کہ نیتن یاہو نے عالمی عدالت کے مقابلے میں اپنا دفاع کرنے کے لئے جھوٹ کا سہارا لیا۔

رپورٹ کے مطابق صہیونی وزیراعظم بنیامن نیتن یاہو نے گذشتہ رات امریکی کانگریس سے خطاب کیا۔ ان کے خطاب کے دوران نامزد صدارتی امیدوار کمیلا ہیرس سمیت اہم ڈیموکریٹ سینیٹرز غائب رہے جبکہ کانگریس کی عمارت کے باہر فلسطین کے ہزاروں حامیوں نے مظاہرہ کیا اور غزہ میں جنگی جرائم کے بعد نیتن یاہو کو گرفتار کرنے کا مطالبہ کیا۔

نیتن یاہو کے خطاب کے بعد اقوام متحدہ میں فسلطینی نمائندے ریاض منصور نے شدید ردعمل کا اظہار کیا ہے۔

یہ بھی پڑھیں : نیتن یاہو کا کانگریس سے خطاب، امریکی نمائندگان اور سینیٹرز کا شدید ردعمل

انہوں نے کہا کہ نیتن یاہو نے اپنی تقریر کے دوران غزہ میں جنگی جرائم کا دفاع کرنے کی کوشش کی۔

ریاض منصور نے الجزیرہ کو انٹرویو دیتے ہوئے کہا کہ عالمی عدالت کی جانب سے عدالتی کاروائی کے بعد نیتن یاہو تنہائی کا شکار ہوگئے ہیں۔

یاد رہے کہ نیتن یاہو نے غزہ جنگ کے دوران حمایت پر امریکہ کا شکریہ ادا کیا اور کہا کہ عالمی عدالت کے احکام بے بنیاد شکایتوں پر مبنی ہیں۔

امریکی ذرائع ابلاغ کے مطابق کانگریس سے نیتن یاہو کے خطاب کے دوران 128 سینیٹرز نے خطاب کا بائیکاٹ کیا اور ہزاروں افراد نے کانگریس کی عمارت کے باہر مظاہرہ کیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button