امریکہ کے یمن پر نئے حملے، حدیدہ کے واٹر پلانٹس کو نشانہ بنایا

شیعہ نیوز: یمنی ذرائع نے حدیدہ کے آبی ذخائر پر امریکی طیاروں کے نئے حملے کی خبر دی۔

رپورٹ کے مطابق، یمنی ذرائع ابلاغ نے خبر دی ہے کہ امریکی جنگی طیاروں نے الحدیدہ بندرگاہ میں پانی کے ذخائر کو نشانہ بنایا ہے۔

میڈیا ذرائع نے مزید آگاہ کیا کہ امریکی جنگی طیاروں نے یمن کی بندرگاہ کے علاقے "الصنف” میں پینے کے پانی کے ذخائر کو نشانہ بنایا۔

یہ بھی پڑھیں : ماہ رنگ بلوچ ہماری قوم کی بیٹی ہے اور کوئی بھی غیرت مند معاشرہ اپنی بیٹیوں کے ساتھ ایسا سلوک برداشت نہیں کرتا،سینیٹر علامہ راجہ ناصرعباس

المسیرہ ٹی وی چینل کی رپورٹ میں بتایا گیا ہے کہ یہ آبی ذخائر تقریبا 50,000 آبادی والے آٹھ دیہاتوں کو پینے کا پانی فراہم کرتے ہیں جنہیں امریکی حملے میں شدید نقصان پہنچا ہے۔

دوسری جانب یمن کی وزارت صحت نے آگاہ کیا ہے کہ ملک پر امریکی حملوں کے نتیجے میں 15 مارچ سے اب تک 61 یمنی شہری شہید اور 139 زخمی ہوچکے ہیں۔