8 فروری کو عوام کا جم غفیر آئینی حق کیلئے نکلے گا، علامہ راجہ ناصر عباس

شیعہ نیوز: مجلس وحدت مسلمین کے سربراہ علامہ راجہ ناصر عباس جعفری نے خصوصی انٹرویو میں کہا ہے کہ اعلیٰ عدلیہ آئین کی خلاف ورزی کرنے والوں کو کیوں نہیں پوچھتی۔

علامہ راجہ ناصر عباس جعفری نے کہا کہ انتخابات ایک آئینی ضرورت ہے اور مقدس عمل ہے یہ عوام کا حق ہے بدقسمتی سے انتخابات سے بحران کو ختم کرنے کے بجائے بحران پیدا کئے جارہے ہیں۔

یہ بھی پڑھیں : کوئٹہ: علامہ علی حسنین کی مجلس وحدت مسلمین میں شمولیت، علامہ راجہ ناصر عباس جعفری سے ملاقات

انہوں نے مزید کہا کہ لوگوں کا عدم اعتماد بڑھ رہا ہے اگر انتخابات انتظامیہ ان کی مرضی سے آئیں گے تو لوگوں کا اعتماد مزید کم ہوگا۔

علامہ راجہ ناصر عباس جعفری نے کہا کہ 8فروری کو لوگ ووٹ کیلئے اتنی زیادہ تعداد میں باہر آئیں گے کہ پاکستان کی تاریخ میں پہلی بار اتنا زیادہ ووٹ پڑیں گے۔