نابلس میں اسرائیلی فوجیوں کے حملے میں ایک شہید اور 3 زخمی

شیعہ نیوز: اسرائیلی فوج نے آج صبح نابلس کے مشرق میں واقع "بلاطہ” کیمپ پر حملہ کر کے ایک فلسطینی کو شہید اور 3 کو زخمی کر دیا۔

جمعرات کی صبح اسرائیلی فوجیوں نے مغربی کنارے میں واقع نابلس کے مشرق میں بلاطہ کیمپ پر حملہ کر دیا۔

طبی ذرائع نے بتایا کہ اسرائیلی فوجیوں نے جہاد ابو سلیم (27 سال) کو سینے میں گولی مار کر شہید کردیا۔

یہ بھی پڑھیں : آئرلینڈ قابض اسرائیل کے خلاف نسل کشی کے مقدمے میں فریق بن گیا

غاصب صیہونی حکومت کے فوجیوں نے اس کیمپ پر حملہ کیا اور آنسو گیس کی شیلنگ شروع کردی جس کے بعد ان کی فلسطینی مجاہدوں سے جھڑپ شروع ہوگئی۔

فلسطینی ہلال احمر سوسائٹی کے بعض ذرائع نے یہ بھی اطلاع دی ہے کہ اس جھڑپ میں ایک نوجوان کی ٹانگ میں گولی لگی ہے اور ایک 65 سالہ مرد اور ایک 60 سالہ خاتون کو بھی اسرائیلی فوجیوں نے زدوکوب کیا۔

غاصب اسرائیلی فوج نے امدادی رسانی کرنے والی گاڑیوں کو بھی جائے وقوعہ پر جانے سے روک دیا ۔