پاکستانی وزیرداخلہ کی مشہد آمد، زیارتی انتظامات میں تعاون بڑھانے پر اتفاق
شیعہ نیوز: پاکستانی وزیرداخلہ نے مشہد میں امام رضاؑ کے روضے پر حاضری دی اور ایرانی حکام کے ساتھ زیارتی سہولیات کے بارے میں تبادلہ خیال کیا۔
رپورٹ کے مطابق پاکستانی وزیرداخلہ سید محسن نقوی گزشتہ روز دو روزہ سرکاری دورے پر ایران کے مقدس شہر مشہد پہنچے۔ مشہد پہنچنے پر خراسان رضوی کے گورنر نے ان کا استقبال کیا۔
انہوں نے بارگاه امام رضا علیہ السلام کی زیارت بھی کی اور وہاں ایران کی طرف سے مذہبی سیاحت خصوصاً پاکستانی زائرین کی میزبانی کے اقدامات کا جائزہ لیا۔
یہ بھی پڑھیں : عالمی برادری غزہ کی خلاف صیہونی جرائم کی روک تھام کے لئے فوری اقدام کرے، عراق
اس موقع پر ایرانی حکام سے ملاقات کے دوران پاکستانی وزیر داخلہ نے کہا کہ ہم ایرانی حکام کی جانب سے پاکستانی زائرین کی خصوصی میزبانی پر شکر گزار ہیں۔
انہوں نے مزید کہا کہ ایران اور پاکستان کے مابین شہریوں کی آمد و رفت اور خاص طور پر پاکستانی زائرین کے ایران کے سفر کے انتظامات کو بہتر بنانے کے لیے تعاون اور رابطہ کاری کو مزید بڑھایا جائے گا۔
