غرب اردن میں اسرائیلی فوجیوں کی فائرنگ سے ایک فلسطینی نوجوان شہید
شیعہ نیوز (پاکستانی شیعہ خبر رساں ادارہ) غرب اردن میں صیہونی فوجیوں کی فائرنگ سے ایک فلسطینی نوجوان شہید ہوگیا ۔
فلسطین کی خبر رساں ایجنسی وفا کی رپورٹ کے مطابق 37 سالہ عماد علی دویکات غرب اردن کے بیتا علاقے میں اسرائیلی فوجیوں کی فائرنگ میں شہید ہوا۔
قدس کی غاصب اور جابر صیہونی حکومت کے فوجیوں نے جمعہ کو بھی غرب اردن کے بیتا نامی دیہی علاقے میں نہتے فلسطینی مظاہرین پر فائرنگ کی اور آنسو گیس کے شیل داغے جس کے نتیجے میں 34 فلسطینی زخمی ہو گئے تھے۔
دوسری جانب فلسطینی عوام نے غزہ کے محاصرے، صیہونی بستیوں کی تعمیر اور صیہونیوں کے جاری جرائم کے خلاف ہر ہفتے کی طرح جمعہ کو بھی فلسطین کے مختلف علاقوں میں مظاہرے کئے۔
واضح رہے کہ صیہونی حکومت کی جیلوں میں اس وقت بھی چار ہزار سات سو فلسطینی قیدی موجود ہیں جن میں دو سو پچاس بچے اور سینتالیس عورتیں شامل ہیں۔
