لاہور دھماکہ، مبینہ دہشتگردوں کی تصاویر منظر عام پر آگئیں

شیعہ نیوز ( پاکستانی شیعہ خبر رساں ادارہ) لاہور انارکلی دھماکے میں ملوث مبینہ دہشت گردوں کی تصاویر سامنے آگئیں، سہولت کاروں اورمبینہ دہشت گردتینوں شلوارقمیض میں ملبوس تھے۔

تفصیلات کے مطابق لاہور میں انارکلی دھماکے کی تحقیقات جاری ہے ، دھماکے میں ملوث مبینہ دہشت گردوں کی تصاویرمنظر عام پر آگئی ہیں۔

ذرائع نے کہا کہ فوٹیج میں جائے وقوعہ کے قریب ریکی کرتے ہوئے 2مبینہ سہولت کاروں کو دیکھا جاسکتا ہے جبکہ ڈیوائس پھینکنے والا مبینہ دہشت گرد اور دونوں سہولت کار تھوڑی دور اکٹھے بھی ہوتےہیں۔

یہ خبر بھی پڑھیں ملک دشمنوں کے عبرتناک انجام کیلیے ادارے اپنا کردار ادا کریں

ذرائع کا کہنا تھا کہ مبینہ دہشت گرد اور سہولت کارایک دوسرے کے ساتھ فون پررابطےمیں تھے، سہولت کاروں اورمبینہ دہشت گردتینوں شلوارقمیض میں ملبوس تھے۔

دوسری جانب قانون نافذ کرنے والے اداروں نےایک مرتبہ پھرجائے وقوعہ کاکنٹرول سنبھال لیا اور تباہ ہونے والی دکانوں کے مالکان کو بھی دکانوں کے پاس جانے سے روک دیا گیا ہے ، سیکیورٹی حکام کا کہنا ہے کہ تحقیقات مکمل ہونےتک علاقہ سیل رہے گا۔

خیال رہے انارکلی بازار میں گزشتہ روز ہونے والے دھماکے میں 3افراد جاں بحق جبکہ 26 زخمی ہوئے تھے ، دھماکے کا مقدمہ تھانہ سی ٹی ڈی میں درج کرلیا ہے اور تحقیقات کاعمل جاری ہے۔