سیاسی بلیک میلنگ، جماعت اسلامی نے مطالبات کی لمبی فہرست پی ٹی آئی کو دیدی

شیعہ نیوز: حکومت سازی کیلئے تعاون کے بدلے جماعت اسلامی نے اپنے مطالبات پی ٹی آئی کے سامنے رکھ دیئے۔

تفصیلات کے مطابق جماعت اسلامی نے تحریک انصاف کی وفاق میں سپورٹ کے بدلے یہ مطالبہ کیا ہے کہ اگر ساتھ چاہیے تو جماعت کے مطالبات بھی تسلیم کرو، جماعت اسلامی کی قیادت نے خیبرپختونخوا حکومت میں مختلف وزارتوں کے مشیروں کے عہدے مانگ لئے۔

جماعت اسلامی نے مطالبہ کیا ہے کہ کے پی کے حکومت میں خزانہ، زراعت اور انڈسٹریز کی وزارتیں جماعت اسلامی کو دی جائیں۔

یہ بھی پڑھیں : سعودی عرب کے ساتھ دفاعی معاملات پر مذاکرات کے لئے آمادہ ہیں، امیر آشتیانی

سینیٹ انتخابات میں جماعت اسلامی کے امیدواروں کو بھی منتخب کروایا جائے، پی ٹی آئی قیادت جماعت اسلامی کے مطالبات سن کر حیران ہے۔

ذرائع کے مطابق پی ٹی آئی کی کور کمیٹی کے اجلاس میں جماعت اسلامی کے مطالبات کا جائزہ لیا جائے گا۔

دوسری جانب پاکستان تحریک انصاف نے آج شام 4 بجے کور کمیٹی کا اجلاس طلب کر لیا ہے۔ اجلاس میں کور کمیٹی کے تمام ارکان شریک ہوں گے۔

اجلاس میں ایم ڈبلیو ایم کے ساتھ اتحاد اور دیگر امور زیر غور آئیں گے، پی ٹی آئی کور کمیٹی اجلاس میں اپوزیشن لیڈر کے نام پر بھی غور ہوگا۔