غزہ پر دوبارہ اسرائیلی جارحیت ثالثی کی مساعی کو سبوتاژ کرنا ہے، قطر

شیعہ نیوز: قطر نے جنگ بندی کے خاتمے کے بعد غزہ پر اسرائیلی جارحیت کے دوبارہ شروع ہونے پر اپنے گہرے افسوس کا اظہار کرتے ہوئے کہا کہ جنگ بندی کی طرف واپسی کے مقصد سے مذاکرات جاری ہیں۔

قطری وزارت خارجہ کی جانب سے ایک بیان میں کہا گیا ہے دوحہ اپنے ثالثی شراکت داروں کے ساتھ مل کر اپنی کوششیں جاری رکھنے کے لیے پرعزم ہے اور پرامن واپسی کے لیے جو ضروری ہو گا وہ کرے گا۔

بیان میں مزید کہا گیا ہے کہ غزہ پر مسلسل بمباری ثالثی کی کوششوں کو پیچیدہ بناتی ہے اور پٹی میں انسانی تباہی کو مزید گہرا کرتی ہے، شہریوں کو نشانہ بنانے، اجتماعی سزا دینے اور غزہ کی پٹی کے محصور شہریوں کو زبردستی بے گھر کرنے کی کوششوں کی مذمت کا اعادہ کرتا ہے۔

یہ بھی پڑھیں : القسام اور القدس بریگیڈز نے تل ابیب میں راکٹوں سے تباہی مچا دی

ایک باخبر ذریعے نے جمعہ کو ’اے ایف پی‘ کو بتایا کہ اسرائیل اور اسلامی مزاحمتی تحریک حماس دونوں کے ساتھ قطر- مصری مذاکرات جاری ہیں۔

ذرائع نے مزید کہا کہ قطری اور مصری ثالث جمعے کو غزہ میں لڑائی دوبارہ شروع ہونے کے بعد سے دونوں فریقوں سے رابطے میں ہیں۔

ذرائع نے اسی ایجنسی کو اپنا نام ظاہر نہ کرنے کی درخواست کرتے ہوئے بتایا کہ ’’غزہ میں جنگ بندی پر قطری اور مصری ثالثوں کے ساتھ مذاکرات جاری ہیں‘‘۔

24 نومبر کو نافذ ہونے والی یہ جنگ بندی مقامی وقت کے مطابق سات بجے ختم ہوئی اور اسرائیلی فوج نے ایک بیان میں اعلان کیا کہ اس نے غزہ کی پٹی پر دوبارہ حملے شروع کر دیے ہیں جب کہ پٹی کے قریب اسرائیلی قصبوں میں ممکنہ میزائلوں کے سائرن بج رہے ہیں۔