مشرق وسطی

سعودی اتحاد کی یمن پر بمباری، 3 شہید

شیعہ نیوز (پاکستانی شیعہ خبر رساں ادارہ) العالم کی رپورٹ کے مطابق جارح سعودی اتحاد نے کل صوبہ صعدہ کے«بقعة علاف» رہائشی علاقے پر حملے کئے۔ ان حملوں کے نتیجے میں 3 یمنی شہری شہید جبکہ متعدد زخمی ہوئے۔

جارح سعودی اتحاد نے جمعہ کوصوبہ تعز کے "مقبنه” رہائشی علاقے پر حملے کئے تھے۔ ان حملوں کے نتیجے میں 16 یمنی شہری شہید ہوئے جن میں بچے بھی شامل ہیں۔

سعودی اتحاد کے آلۂ کاروں نے نومبر کے مہینے میں الحدیدہ میں 5933 بار جنگ بندی کی خلاف ورزی کرتے ہوئے مختلف علاقوں پر گولہ باری کی۔

نومبر کے مہینے میں یمن کے صوبے الحدیدہ پر جارح سعودی اتحاد کےجنگی طیاروں اور ڈرون نے پروازیں کیں، توپوں کے گولے اور میزائل داغے اور بھاری اور ہلکے ہتھیاروں سے حملے کر کے 5933 مرتبہ جنگ بندی کی خلاف ورزی کی۔

یمن کے خلاف جنگ اور جارحیت کا سلسلہ ایسے وقت میں جاری ہے جب سوئیڈن میں صنعاء اور ریاض کے وفد کے مابین 18 دسمبر 2018 کو الحدیدہ میں جنگ بندی کا معاہدہ طے پایا تاہم سعودی جنگی اتحاد نے اپنی ہی اعلان کردہ جنگ بندی کی ایک دن بھی پابندی نہیں کی۔

واضح رہے کہ سعودی عرب اور اس کے بعض اتحادی ممالک، امریکہ اور دیگر مغربی ملکوں کی حمایت کے زیر سایہ مارچ دو ہزار پندرہ سے یمن پر وحشیانہ حملے کر رہے ہیں اس عرصے میں دسیوں ہزار یمنی شہری شہید و زخمی جبکہ دسیوں لاکھ یمنی بے سر و سامانی کی زندگی گزارنے پر مجبور ہو گئے ہیں۔

سعودی عرب اپنے تمام تر وحشیانہ حملوں کے باوجود اپنا ایک بھی مقصد اب تک حاصل نہیں کر سکا ہے-

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button