سوات دھماکے میں شہید ہونے والوں کی تعداد 17 ہوگئی

شیعہ نیوز (پاکستانی شیعہ خبر رساں ادارہ) سوات دھماکے میں شہید ہونے والوں کی تعداد 17 ہوگئی، ریسکیو حکام کےمطابق جائے وقوعہ پر سرچ اینڈ ریسکیو آپریشن جاری ہے، گزشتہ شب 70 زخمیوں کو اسپتال منتقل کیا گیا۔

اسپتال رپورٹ کے مطابق دھماکے میں 17 افراد شہید اور 51 زخمی ہوئے، زخمیوں کو کبل اور سیدو شریف اسپتال منتقل کیا گیا ہے جب کہ شدید جھلسے ہوئے زخمی کو پشاور برن سینٹر منتقل کیا گیا۔

یہ خبر بھی پڑھیں سوات، سی ٹی ڈی تھانےمیں دھماکے سے10 افراد جاں بحق 30 زخمی

پولیس کے مطابق شہید پولیس افسران میں سب انسپکٹر عبداللہ، اشرف علی اور اے ایس آئی شیر عالم شامل ہیں جب کہ سپاہی تاج محمد، شیرولی، خلیل رحمان، بخت روخان، عصمت علی اور فضل رزاق بھی شہداء میں شامل ہیں۔

دوسری جانب پولیس کا کہنا ہے کہ بچ جانے والا بارودی مواد ناکارہ بنادیا گیا ہے۔ دھماکے میں شہید ہونے والے 9 اہلکاروں کی نماز جنازہ ادا کردی گئی، جس میں کور کمانڈر پشاور، آئی جی پولیس، آئی جی ایف سی اور دیگر نے شرکت کی۔