شہید قاسم سلیمانی مجاہدین اسلام میں ایک چمکتا ہوا ستارہ ہیں

شیعہ نیوز (پاکستانی شیعہ خبر رساں ادارہ) سابق پاکستانی آرمی چیف اور ممتاز دفاعی تجزیہ نگار جنرل (ر) مرزا اسلم بیگ نے کہا ہے کہ اگر ایمانی قوت کیساتھ ثابت قدم رہیں تو دشمن پیٹھ پھیر کر بھاگ جائے گا۔

انہوں نے صحافی توقیر کھرل کی کتاب "قاسم سلیمانی، گمنامی سے دِلوں پر حکمرانی تک‘‘ میں اپنے خیالات کا اظہار کرتے ہوئے کہا کہ شہید قاسم سلیمانی مجاہدین اسلام کی فہرست میں چمکتا ہوا ستارہ ہیں جنہیں ہر کوئی اپنی بساط کے مطابق خراج تحسین پیش کر رہا ہے۔

جنرل (ر) مرزا اسلم بیگ کا کہنا تھا کہ گزشتہ 40 سال سے ایرانی قوم نے اپنے جذبہ ایمانی اور ملی غیرت کے سہارے اقتصادی پابندیوں کے باوجود ہمارے دشمنوں کے عزائم خاک میں ملا دیئے ہیں۔

انہوں نے کہا کہ میں نے اسلام آباد میں منعقدہ جلسے میں بھی کہا کہ تھا کہ ہر دور میں طاغوتی طاقتوں کی یہ کوشش رہی ہے کہ اسلام کو نیچا دکھا سکیں، لیکن وہ ایسا نہیں کر سکے، کیونکہ اللہ تعالیٰ ایمان والوں کیساتھ ہے اور اللہ ایمان والوں کو ثابت قدم رہنے کا حکم دیتا ہے۔