اسرائیلی بمباری میں مسجد اقصیٰ کے سابق مبلغ شیخ یوسف سلامہ شہید
شیعہ نیوز: اسرائیل کے فضائی حملے میں مسجد اقصیٰ کے سابق مبلغ اور فلسطینی وزیر برائے مذہبی امور شیخ یوسف سلامہ شہید ہوگئے۔
ٹیلی گرام اور سوشل میڈیا اکاؤنٹس پر زیر گردش غیر مصدقہ اطلاعات کے مطابق غزہ کے وسطی علاقے میں اسرائیلی بمباری میں فلسطین کی ایک اہم مذہبی شخصیت اور مبلغ شیخ یوسف سلامہ شہید ہوگئے۔
یہ بھی پڑھیں : زیاد النخالہ نے اسرائیل سے قیدیوں کے تبادلے پر اپنی شرط سامنے رکھ دی
فلسطین اتھارٹی اور حماس کی جانب سے اس خبر پر کوئی تبصرہ سامنے نہیں آیا۔ اگر یہ خبر درست ثابت ہوتی ہے تو 7 اکتوبر سے جاری اسرائیل کی وحشیانہ بمباری میں ہونے والا یہ سب سے بڑا اور ناقابل تلافی نقصان ہے۔
شیخ یوسف سلامہ مسجد اقصیٰ کے مبلغ ہونے کی حیثیت سے فلسطین سمیت عالم اسلام کی قابل احترام شخصیت ہیں۔ اسلام کے لیے ان کی خدمات کو قدر کی نظر سے دیکھا جاتا ہے۔
علاوہ ازیں شیخ یوسف سلامہ فلسطین اتھارٹی، غزہ اور مغربی کنارے میں سرگرم مزاحمتی تنظیموں میں وحدت کی علامت بھی تھے، وہ یکساں طور پر ہر علاقے اور گروپ کے لیے قابل احترام رہنما ہیں۔
