پاکستانی شیعہ خبریںہفتہ کی اہم خبریں

کراچی، علامہ شہنشاہ نقوی کی زیرصدارت شیعہ قومیات کا نمائندہ اجلاس

شیعہ نیوز (پاکستانی شیعہ خبر رساں ادارہ) کراچی کی ملت جعفریہ کی نمایاں شخصیات کا نمائندہ اجلاس4 اگست کو معروف عالم دین علامہ سیّد شہنشاہ حسین نقوی کی صدارت میں منعقد ہوا۔

تفصیلات کے مطابق کراچی کی شیعہ تنظیموں ، شخسیات و اسکاوٹ گروپ کا ایک نمائندہ اجلاس علامہ شہنشاہ حسین نقوی کی زیر صدارت منعقد کیا گیا جس میںمحرم الحرام 1445ھ کے عشرہ ٔاولی میں گزرنے والے معاملات کے حوالے سے گفتگو کی گئی۔

اجلاس میں علامہ سیّد حیدر عباس عابدی، سرور علی (پاک محرم)، ایس ایم نقی (مرکزی تنظیم عزاداری)، سیّد شبر رضا (جعفریہ الائنس)، سیّد شمس الحسن شمسی (مرکزی تنظیم عزا)، سید محمد مہدی (بوتراب اسکاؤٹ)، غیور عباس عابدی (آئی ایس او)، علامہ مبشر حسن (ایم ڈبلیو ایم) سمیت دیگر نے شرکت کی۔

شرکاء اجلاس سے خطاب کرتے ہوئے علامہ شہنشاہ نقوی نے کہا کہ ہم سید الشہداء حضرت امام حسین علیہ السلام اور عظیم المرتبت اصحابِ حسینی علیہم السلام کی عزاداری کے حوالے سے عرض گزار ہیں کہ حضرت امام حسین علیہ السلام، اس حدیث مبارکہ ”انَّ الْحُسَیْن مِصْباحُ الْهُدیٰ وَ سَفینَهُ النِّجاۃ، حسینؑ ہدایت کا چراغ اور کشتیِ نجات ہیں“ کی روشنی میں انسانیت کی فلاح و کامیابی کا عظیم ذریعہ ہیں۔

یہ خبر بھی پڑھیں اربعین حسینی پر پاکستانی زائرین کا عراق میں داخلہ فری ہوگا

ان کا کہنا تھا کہ پاکستان اور بالخصوص سندھ کراچی کی منعقدہ عزاداری میں سوزخواں، سلام گزار، خطباء و ذاکرین، نوحہ خواں، ماتمی اور ذی وقار شرکاءِ مجالس کے لئے دعاگو ہیں جنہوں نے خلوص اور دیانت داری، اپنی صلاحیتوں اور شرکت سے اپنی اس عبادت کو بارونق بنایا، اس عبادت کی تکمیل میں وزیراعلیٰ سندھ، گورنر سندھ اور ان کے زیرنگرانی کام کرنے والے تمام اداروں، حفاظتی ادارے، محکمہ پولیس، کمشنر، ڈپٹی کمشنرز، انتظامی اور شہری اداروں اور اسکاؤٹ گروپس، پاک فوج کے مختلف شعبہ جات اور پاکستان رینجرز کی خدمات کا اعتراف کرتے ہیں، البتہ بعض اداروں مثلاً محکمہ برق و توانائی (مثلاً کے الیکٹرک) نے ہمیں مایوس کیا اِسی طرح جن اداروں کی کارکردگی اچھی تھی اُنھیں مزید بہتری لانے کی ضرورت ہے۔

ان کا مزید کہنا تھا کہ ہم اندرون سندھ نوشہروفیروز موضع پُھل میں ناخوشگوار حالات سے آزردہ خاطر ہیں، سندھ اور پنجاب میں عزاداروں پر ایف آئی آر کے اندراج قابل تشویش و مذمت ہے، اداروں کو فورتھ شیڈول اور بے سر و پا FIR کے حوالے سے رویوں کی اصلاح کرنا چاہیئے۔

کراچی میں دورانِ جلوسِ 9 محرم الحرام ایک حفاظتی ادارے اور شرکاء جلوس کے درمیان ہونے والے واقعہ کی مذمت کرتے ہیں اور متعلق افراد سے اصلاح کی امید کرتے ہیں، آخر میں ہزاروں دُعاؤں اور نیک تمناؤں کے ساتھ توقع رکھتے ہیں کہ آئندہ آنے والے محترم ایام اور مخصوصیوں میں بھی بہتر خدمات پیش کی جائیں گی، عزاداری سید الشہداء علیہ السلام میں تمام تر روایات اور عبادات جیسے ہوتی آئی ہیں، اُسی طرح بلکہ اُس سے بہتر ہوتی رہیں گی۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button