امریکہ میں بم کی دھمکی تو نیٹو میں ملا مشکوک پیکیٹ

شیعہ نیوز:این بی سی نیوز کی رپورٹ کے مطابق بدھ کو جنوبی کیرولینا میں اپنی بیوی اور بیٹے کو قتل کرنے کے جرم میں "ایلیکس مرداؤ” کے کیس کی سماعت جاری تھی کہ عدالت میں جج کو بم کی دھمکی موصول ہوئی۔

54 سالہ مرداو پر 7 جون 2021 کو اپنی 52 سالہ بیوی اور 22 سالہ بیٹے کو گولی مار کر قتل کرنے کا الزام ہے۔

دوسری جانب نیٹو کی سکیورٹی سروسز نے بدھ کو بیلجیم میں اتحاد کی عمارتوں سے تین مشکوک لفافے دریافت کیے۔

نیٹو سیکیورٹی سروسز نے اعلان کیا کہ انہوں نے بیلجیئم کی پولیس کو تین مشکوک لفافوں کی برآمدگی سے آگاہ کیا۔

خبروں کے مطابق مشکوک لفافوں میں کسی قسم کا پاؤڈر تھا جس کی اطلاع بیلجیئم کے شہر ہارن میں نیٹو کی عمارتوں میں تعینات پولیس اہلکاروں کو دی گئی جس کے بعد فائر بریگیڈ اور ایمرجنسی ریسکیو سروسز کو بھی جائے وقوعہ پر طلب کیا گیا۔

برسلز سول پروٹیکشن اور فائر ڈیپارٹمنٹ کے پاس مزید تفتیش کے لیے اس مشکوک پاؤڈر کے نمونے بھیجے جائیں گے۔

نیٹو نے ابھی تک اس معاملے پر سرکاری طور پر کوئی تبصرہ نہیں کیا ہے۔ یہ حادثہ ایسے حالت میں ہوا ہے جو یوکرین کے صدر ولادیمیر زیلنسکی جمعرات کو برسلز میں یورپی یونین کے اجلاس میں شرکت کرنے والے ہیں۔