سید ارشاد حسین ایم ڈبلیو ایم اور پی ٹی آئی کے مشترکہ امیدوار حمید حسین کے حق میں دستبردار
شیعہ نیوز: سابق آئی جی خیبر پختونخوا اور پاکستان تحریک انصاف کے رہنماء سید ارشاد حسین کی جنرل الیکشن 2024ء کے حوالے سے مجلس وحدت مسلمین پاکستان کے رہنماؤں اور عمائدین پاراچنار کے ہمراہ اہم کانر مٹینگ کرتے ہوئے قومی اسمبلی کے حلقہ این اے 37 ضلع کرم سے انجینئر حمید حسین اور پی کے 96 سے سید نجات حسین کی حمایت کا باقاعدہ اعلان کرتے ہوئے کہا ہے کہ مجھے عمران خان نے جیل سے میسج بھیجا ہے کہ پاراچنار کے مجلس وحدت مسلمین پاکستان کے جو 2 امیدوار ہیں وہ ہمارے متفقہ طور پر امیدوار ہیں لہذا آپ نے ان دونوں امیدواروں کا ساتھ دینا ہے، میں ان کی بھرپور سپورٹ اور تعاون کا اعلان کرتا ہوں اور اپنے ضلع کرم کی باشعور عوام سے پاکستان تحریک انصاف اور مجلس وحدت مسلمین پاکستان کے مشترکہ حمایت یافتہ نڈر و بے باک انجینئر حمید حسین کو کامیاب بنانے کی اپیل کی ہے۔
انہوں نے اپنے تمام خیر خواہوں اور سپورٹرز کو تاکید کی ہے ملکر ملک و ملت کے مفاد کے لیے بھرپور کردار ادا کرتے ہوئے عوام کے حقوق اور جان و مال کی حفاظت کرنے والے حقیقی نمائندہ انجینئر حمید حسین کو قومی اسمبلی اور سید نجات حسین کو صوبائی اسمبلی میں پہنچائیں، اس موقع پر ایئر مارشل (ر) سید قیصر عباس، سید محمد شیرازی، علامہ اقبال حسین بہشتی، ملک اقرار حسین علوی، شبیر حسین ساجدی، پروفیسر شبیر حسین سمیت دیگر رہنماؤں نے بھی خطاب کرتے ہوئے عوام سے اپیل کی ہے کہ سید نجات حسین اور حمید حسین کی بھرپور سپورٹ کریں، آخر میں مرکزی رہنماء ملک اقرار حسین علوی اور علامہ محمد اقبال بہشتی نے آئی جی سید ارشاد حسین کا شکریہ ادا کیا۔
سیاسی ماہرین کاکہنا ہے کہ پی ٹی آئی اور ایم ڈبلیو ایم کے اتحاد سے پاراچنار میں انجینئر حمید حسین کی پوزیشن بھرپور مستحکم ہوچکی ہے، اب 8 فروری کو سیاسی دنگل میں اصل مقابلہ انجینئر حمید حسین اور پاکستان پیپلز پارٹی کے امیدوار ساجد حسین طوری کے درمیان متوقع ہے۔
