عرب لیگ نے حزب اللہ کو دہشتگرد تنظیموں کی فہرست سے خارج کردیا

شیعہ نیوز: عرب لیگ نے لبنانی مقاومتی تنظیم حزب اللہ کو دہشتگرد تنظیموں کی فہرست سے خارج کرنے کا اعلان کیا ہے۔

رپورٹ کے مطابق عرب ممالک کی تنظیم عرب لیگ نے لبنانی مقاومتی تنظیم حزب اللہ کو دہشتگرد تنظیموں کی فہرست سے خارج کرنے کا اعلان کیا ہے۔

تنظیم کے سیکریٹری جنرل حسین زکی نے الجزیرہ کو انٹرویو دیتے ہوئے کہا کہ عرب لیگ اب حزب اللہ کو دہشتگرد تنظیم نہیں سمجھتی ہے۔

یہ بھی پڑھیں : شاید اسرائیلی حکومت کی اپنے ہی ہاتھوں تباہی کا وقت آ گيا ہے، سعید ایروانی

لبنان کا دورہ مکمل کرنے کے بعد حسین زکی نے کہا کہ عرب لیگ کے سابقہ ​​فیصلوں میں حزب اللہ کو دہشتگرد تنظیم قرار دیا گیا تھا جس کے نتیجے میں لبنانی تنظیم اور عرب لیگ کے درمیان رابطہ منقطع ہو گیا تھا تاہم اب عرب لیگ کے اراکین نے فیصلہ کیا ہے کہ حزب اللہ دہشتگرد تنظیم نہیں ہے۔

انہوں نے کہا کہ عرب لیگ اور لبنانی مقاومتی تنظیم کے درمیان تعلقات کی شرائط موجود ہیں۔

یاد رہے کہ عرب لیگ نے 11 مارچ 2016 کو اسرائیل کے حامی مغربی ممالک کے دباؤ پر حزب اللہ کو دہشتگرد تنظیم قرار دیا تھا۔