آیت اللہ خامنہ ای کے امریکی طلباء کے نام خط پر بائیڈن انتظامیہ سیخ پا
شیعہ نیوز: امریکہ میں فلسطینیوں کے حامی طلباء کے نام آیت اللہ خامنہ ای کے اہم خط کے وسیع عوامی استقبال کے بعد بائیڈن حکومت کے نمائندے نے امریکی طلباء کو مورد الزام ٹھہرایا۔
رپورٹ کے مطابق امریکی ایوان نمائندگان کے نمائندے "برائن ماسٹ” نے اپنے ایکس اکاونٹ پر امریکہ میں فلسطینیوں کے حامی طلباء کے نام آیت اللہ سید علی خامنہ ای کے پیغام کو ری پوسٹ کرتے ہوئے امریکی طلباء کو مورد الزام ٹھہرایا اور انہیں لکھا کہ "اگر آیت اللہ آپ کی تعریف کریں گے تو یقیناً آپ تاریخ کے غلط رخ پر ہیں!
یہ بھی پڑھیں : بعض مغربی ممالک اسرائیل کیخلاف عرب ممالک سے زیادہ مضبوط موقف رکھتے ہیں، عبد الملک الحوثی
اس سے قبل امریکی ایوان نمائندگان کے اسپیکر مائیک جانسن نے امریکہ میں فلسطینیوں کے حامی طلباء کے نام رہبر معظم انقلاب کے خط کا متن دوبارہ شائع کرتے یوئے اپنے ایکس اکاونٹ پر لکھا تھا کہ اگر تم آیت اللہ کو مطمئن کرتے ہو تو پھر تم نے امریکہ کو مکمل طور پر کھو دیا ہے۔
آیت اللہ سید علی خامنہ ای نے امریکہ میں فلسطینی حامی طلباء کے نام ایک اہم خط شائع کیا جسے بین الاقوامی میڈیا میں وسیع کوریج ملی اور سوشل میڈیا کے انگریزی صارفین، مختلف شخصیات اور حکام نے بھی اس پر ردعمل کا اظہار کیا۔
