پاکستانی شیعہ خبریںہفتہ کی اہم خبریں

خلیفہ عمر بن عبدالعزیز کے مقبرے کی بے حرمتی قابل مذمت ہے

شیعہ نیوز (پاکستانی شیعہ خبر رساں ادارہ) شیعہ علماء کونسل پاکستان کے سربراہ علامہ سید ساجد علی نقوی کے ترجمان زاہد علی آخونزادہ نے کہا ہے کہ خلیفہ عمر بن عبدالعزیز کے مقبرے کی بے حرمتی قابل مذمت ہے۔

اپنے ایک بیان میں انہوں کہا کہ مزارات عوام کی عقیدت و احترام کا مرکز ہوا کرتے ہیں اور انہدام جنت البقیع اور جنت المعلٰی میں اہلبیت اطہار، امہات المومنین اور اصحاب کرام کے مقابر و مزارات کو گرانے سمیت مختلف مقدس مقامات کی بے حرمتی کے واقعات ہرگز قابل قبول نہیں۔

ایک بیان میں انہوں نے مزید کہا کہ ایسے واقعات کی علامہ سید ساجد علی نقوی پہلے بھی مذمت کرچکے ہیں اور مشترکات کے داعی ہونے کے ناطے انہوں نے ایسی انتہاء پسندانہ سوچ کو ہمیشہ دینی اور اخلاقی اقدار کی نفی سے تعبیر کرتے ہوئے مزارات کے احترام کو اہم قرار دیا ہے اور ہمیشہ ایسے گھناونے فعل کے مرتکب لوگوں کو بے نقاب کرکے قرار واقعی سزاء دینے کا مطالبہ بھی کیا ہے۔

زاہد علی آخونزادہ نے او آئی سی سے خلیفہ عمر بن عبدالعزیز کے مزار کی بے حرمتی کے واقعے کی بھی غیر جانبدارانہ، شفاف اور قابل قبول تحقیقات کے ذریعے مجرموں کو بے نقاب کرکے قرار واقعی دینے کا مطالبہ کیا۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close