شام کی تقسیم ہماری ریڈ لائن ہے، باسم العوادی
شیعہ نیوز: عراقی حکومت کے ترجمان باسم العوادی نے شام میں تکفیری دہشت گردوں کے حملوں پر شدید ردعمل ظاہر کرتے ہوئے کہا ہے کہ شام کی تقسیم ہماری ریڈلائن ہے۔
روسیا الیوم نے کہا ہے کہ شام میں تکفیری دہشت گردوں کے بڑھتے ہوئے حملوں کی وجہ سے پڑوسی ممالک کی تشویش میں اضافہ ہوا ہے۔
عراقی حکومت کے ترجمان باسم العوادی نے کہا ہے کہ عراق شام حکومت کی حاکمیت اور شام کی سالمیت کا مکمل احترام کرتا ہے۔ شام کی تقسیم ہماری ریڈلائن ہے۔
یہ بھی پڑھیں : شام کی صورت حال صرف اس ملک تک محدود نہیں رہے گی، عباس عراقچی کا انتباہ
انہوں نے کہا کہ عراق نے متعدد خطرات کا مقابلہ کیا ہے۔ ماضی میں ملک کو سنگین خطرات لاحق تھے لیکن ہم نے کامیابی کے ساتھ عبور کیا۔
باسم العوادی نے کہا کہ شام میں ہونے والے فسادات اور تکفیری دہشت گردوں کے حملے عراقی کی سلامتی کے لئے بھی خطرہ ہیں۔ ہم پوری طاقت کے ساتھ اس بحران کے حل کے لئے کوشش کررہے ہیں۔
عراقی ترجمان نے مزید کہا کہ عراق اپنی سلامتی کو درپیش خطرات کو بھرپور مقابلہ کرے گا۔ ہم شام میں فوجی مداخلت نہیں کریں گے۔
