اسرائیل کے غاصبانہ قبضے کا خاتمہ قریب ہے، فلسطینی وزیراعظم

شیعہ نیوز:فلسطین کے وزیراعظم نے کہا ہے کہ اب وقت آگیا ہے کہ دنیا غاصبانہ قبضے کے خاتمے اور ایک آزاد فلسطینی ریاست کو تسلیم کرنے کی جانب قدم بڑھائے

پانچویں عرب یورپ اجلاس سے آن لائن خطاب کرتے ہوئے فلسطین کے وزیراعظم محمد اشیتہ نے عالمی برادری سے فلسطینی عوام کے حقوق کی بحالی کے لیے عالمی قوانین اور قرار دادوں کی اساس پر بعض اہم سیاسی اقدامات کا مطالبہ کیا۔

محمد اشتیہ نے مشترکہ مفادات اور ترجیحات نیز عالمی قوانین کے مطابق عرب یورپ تعلقات کی تقویت پر بھی زور دیا۔

انہوں نے یورپی ملکوں سے مطالبہ کیا کہ وہ اسرائیل پر دباؤ ڈال کر یورپ اور فلسطین کے درمیان تجارت میں حائل روکاوٹوں کو دور کرائیں۔

اس سے پہلے فلسطین کے صدر محمود عباس نے اقوام متحدہ کے سیکریٹری جنرل کے نام خط میں، آزاد فلسطینی ریاست کے قیام کے لیے بین الاقوامی اجلاس بلانے کا مطالبہ کیا تھا۔