دشمن کو محمد شاہین کے قتل کی بھاری قیمت چکانا پڑے گی، حماس

شیعہ نیوز: حماس نے ایک بیان میں صیہونی حکومت کے فضائی حملے کے نتیجے میں لبنان میں القسام کے ممتاز کمانڈر محمد شاہین کی شہادت پر ردعمل کا اظہار کیا۔

رپورٹ کے مطابق حماس نے اپنے ایک بیان میں صیہونی رژیم کے فضائی حملے کے نتیجے میں لبنان میں القسام کے ممتاز کمانڈر محمد شاہین کی شہادت پر ردعمل کا اظہار کیا ہے۔

یہ بھی پڑھیں : لبنان اسرائیل کی کالونی نہیں، تل ابیب ہمارے قومی معاملات میں مداخلت سے دور رہے، نبیہ بری کا انتباہ

اس بیان میں کہا گیا ہے کہ شہید محمد شاہین اور ان کے خاندان نے اپنی زندگی مزاحمت کی راہ میں لٹائی، ان کی بے مثال قربانیوں کو ہرگز فراموش نہیں کیا جائے گا۔

بیان میں مزید کہا گیا ہے کہ صیہونی حکومت مقبوضہ علاقوں کے باہر مزاحمتی رہنماوں کے قتل سے ہماری طاقت کو کمزور نہیں کر سکتی۔

حماس نے اپنے بیان میں زور دیا کہ صیہونی دشمن کو اس بزدلانہ اقدام اور وحشیانہ قتل و غارت گری کی بھاری قیمت ادا کرنا پڑے گی۔