مشرق وسطی

نجف اشرف کی تزئین اور تعمیرِنو کا سلسلہ پھر سے شروع

شیعہ نیوز:ولی خدا، داماد حضرت مصطفیٰ (ص) امیرالمومنین حضرت علی علیہ السلام کے روضہ اطہر کی تعمیر کا کام پھر سے شروع کر دیا گيا۔

امیرالمومنین حضرت علی ابن ابی طالب علیہ السلام کے روضہ اطہر کی تعمیر کا کام پھر سے شروع کر دیا گيا ہے۔ اطلاعات کے مطابق کرونا بیماری کے سبب روضۂ اطہر کی تعمیر کام عارضی طور پر روک دیا گیا تھا۔

مزارت مقدسہ کی تعمیرِ کے ایرانی ادارے” ستاد بازسازی عتبات عالیات” کے سربراہ کے مطابق ایرانی ماہرین کی ٹیم نے عراق پہنچنے کے بعد امیرالمومنین (ع) کے روضے کی تزئین و تعمیرِ نو کا کام شروع کر دیا ہے۔

اطلاعات کے مطابق کرونا کی وجہ سے ایرانی ماہرین کے آمد و رفت میں ممکنہ مسائل کے پیش نظر نجف اشرف کی تعمیر و مرمت کا کام ایک سے ڈیڑھ سال میں مکمل ہوجائے گا۔

واضح رہے کہ نجف اشرف میں روضہ امیرالمومنین کی آخری تعمیر تین سو برس قبل انجام پائی تھی اور سنہ 1991 میں صدام کے حملے کے سبب روضے کے مختلف حصوں کو خاصا نقصان پہنچنے کے بعد ہلکی پھلکی مرمت کی گئی تھی۔

اس وقت مقامات مقدسہ کی تعمیر نو کے ایرانی ادارے کے ماہرین روضہ اطہر کی مکمل طور سے تعمیر نو کا کام انجام دے رہے ہیں جو ایک اندازے کے مطابق آئندہ شمسی سال 1401 کے موسم گرما تک مکمل ہوجائے۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close