امریکہ اور صیہونی حکومت ایران کی حقیقی طاقت سے واقف ہیں، تخت روانچی

شیعہ نیوز: ایران کے نائب وزير خارجہ مجید تخت روانچی نے کہا ہے کہ امریکہ اور صیہونی حکومت کی دھمکیاں کوئی نئی بات نہیں ہے اور ان دونوں کو ایران کی حقیقی طاقت کا علم ہے۔

رپورٹ کے مطابق مجید تخت روانچی نے عراق کے العہد ٹی کے ساتھ بات چیت میں کہا کہ امریکہ اور صیہونی حکومت نے ایران کے تعلق سے اگر کوئي غلط اقدام کیا تو انہیں اس کی سنگین قیمت چکانی پڑے گی۔

انھوں نے کہا کہ رہبر انقلاب اسلامی نے امریکہ کے ساتھ مذاکرات کے حوالے سے دائرہ کار معین کردیا ہے اور ہم اس کے پابند ہیں۔

ایران کے نائب وزیر خارجہ نے کہا کہ ایٹمی اسلحے کے تعلق سے ہماری پالیسی اور اسٹریٹیجی بالکل واضح ہے ۔

یہ بھی پڑھیں : بیت المقدس میں چاقو کے حملے میں ایک یہودی آباد کار خاتون شدید زخمی

انھوں نے یاد دہانی کرائی کہ رہبر انقلاب اسلامی اس طرح کے اسلحے تیار کرنے کو حرام قرار دے چکے ہیں۔

تخت روانچی نے کہا کہ ہم یورپی ملکوں سے مذاکرات کررہے ہیں اور دونوں ہی فریقوں کو مذاکرات میں پیشرفت کی امید ہے ۔

انھوں نے بتایا کہ ان مذاکرات کے لئے بھی ہمارا دائرہ کار معین ہے اور ہم اسی کی بنیاد پر سمجھوتے کے لئے عمل کریں گے

ایران کے نائب وزیر خارجہ نے کہا کہ ہم شام کے تغیرات پر نظر رکھے ہوئے ہیں اور ہمیں امید ہے کہ اس ملک ميں امن قائم ہوگا اور دیگر ملکوں کو اس کے داخلی امور میں مداخلت نہیں کرنا چاہئے۔

انھوں نے کہا کہ شام کے بارے میں ایران کے اندر کسی بھی قسم کا اختلاف رائے نہیں ہے۔