
صیہونی حکومت عوامی غیظ و غضب کے سامنے نہیں ٹھہر سکتی، جنرل رضا نقدی
شیعہ نیوز: سپاہ پاسداران انقلاب کے ایک سینئر جنرل محمد رضا نقدی نے کہا ہے کہ صیہونی حکومت کے جرائم نے دنیا میں شدید غم و غصہ پیدا کر دیا ہے، عوامی نفرت کو کسی طاقت کے ذریعے دبایا نہیں جا سکتا۔
رپورٹ کے مطابق سپاہ پاسداران انقلاب اسلامی کے جنرل محمد رضا نقدی نے غزہ کی پٹی میں فلسطینی عوام کی مزاحمت کو سراہتے ہوئے رہبر معظم انقلاب اسلامی حضرت آیت اللہ العظمی سید علی خامنہ ای کے ایک سابقہ بیان کا حوالہ دیتے ہوئے کہا کہ صیہونی حکومت کے جرائم کی شدت کی وجہ سے حماس کی طرف سے 7 اکتوبر کو طوفان الاقصیٰ آپریشن ہوا۔
یہ بھی پڑھیں : اردن کے وزیر خارجہ ایمن الصفادی کی صیہونی حکومت پر کڑی تنقید
جنرل نقدی نے کہا کہ صہیونیوں کو طوفان الاقصیٰ کے بعد اپنے جرائم کا احساس کرتے ہوئے وحشیانہ جرائم کو روکنا چاہئے۔
انہوں نے مزید کہا کہ صیہونیوں نے غزہ کی پٹی پر حملہ کر کے اپنے خاتمے کو دعوت دی ہے۔
سپاہ پاسداران سینئر جنرل نے مزید کہا: اب خطے کے لوگوں میں صیہونی رجیم کے مظالم کا مقابلہ کرنے کا بے مثال عزم پایا جاتا ہے۔ جب خطے کے عوام میں غم و غصے کی یہ تحریک شروع ہوتی ہے تو کوئی طاقت اس کا مقابلہ نہیں کر سکتی۔”
انہوں نے امریکہ کی جانب سے صیہونی حکومت کے جرائم کی حمایت پر تنقید کی۔