ہندوستان کی جانب سے فوجی حملے کا خدشہ ہے
شیعہ نیوز:پاکستان کے وزیر دفاع خواجہ آصف نے ہندوستان کی جانب سے ممکنہ فوجی کارروائی کا خدشہ ظاہر کیا ہے۔
انہوں نے کہا کہ ہندوستان کا فوجی حملہ قریب ہے۔
خواجہ آصف نے ہندوستان سے ملحقہ سرحد پر اپنی افواج کی وسیع پیمانے پر تعیناتی کا اعلان کرتے ہوئے مزید کہا کہ دونوں ممالک کو روایتی مسلح تصادم کی صورت میں جوہری آپشن کے استعمال سے گریز کرنا چاہیے۔
اس سے قبل پاکستان کے وزیر ریلوے حنیف عباسی نے بھارت سے کہا تھا کہ ہمارے جوہری میزائل سڑکوں کو سجانے کے لیے نہیں ہیں، بلکہ ضرورت پڑنے پر ان کا ہدف بھارت ہوگا، پانی بند کرو گے تو ہم تمہاری شہ رگ کاٹ دیں گے، پاکستان بھارت کے ساتھ جنگ کے لیے تیار ہے، تصور کریں کہ آپ نے ایک میزائل فائر کیا تو ہم 200 میزائلوں سے جواب دیں گے، ہم بزدل نہیں ہیں اس لیے ہمیں دھمکیاں دینا بند کریں۔”
ہندوستان نے پڑوسی ملک پاکستان پر "سرحد پار دہشت گردی” کی حمایت کا الزام لگایا ہے، تاہم، اسلام آباد نے بھارتی الزام کی تردید کرتے ہوئے اس بات پر زور دیا ہے کہ پاکستان کو اس واقعے سے جوڑنے کی کوششیں "بے سود” ہیں اور وہ ہندوستان کی کسی بھی کارروائی کا مناسب جواب دے گا۔
