اقوام متحدہ بھی پاراچنار میں شیعہ قتل عام اور تکفیری وہابی دہشت گردی کے خلاف بول اٹھا

شیعہ نیوز: اقوام متحدہ کے سیکرٹری جنرل انتونیو گوتریس نے پاکستان کے صوبہ خیبر پختونخوا کے ضلع کرم میں پیش آنے والے المناک اور دہشت گردی کے واقعے کی شدید مذمت کی ہے، جس میں کئی بے گناہ جانیں ضائع ہوئیں۔

موصولہ اطلاعات کے مطابق، دہشت گردوں نے اشیائے خوردونوش اور ادویات لے جانے والے 50 سے زائد ٹرکوں پر حملہ کیا، جنہیں نذرِ آتش کر دیا گیا۔ اس افسوسناک واقعے میں 15 افراد، جن میں زیادہ تر ڈرائیور شامل تھے، شہید کر دیے گئے۔ اس واقعے کے باعث پہلے ہی سے شدید مشکلات کا شکار پاراچنار کے عوام مزید بدحالی کا شکار ہو گئے ہیں، جہاں خوراک اور ادویات کی شدید قلت ہے۔

اقوام متحدہ کے ترجمان اسٹیفن دوجارک نے نیویارک میں اقوام متحدہ کے ہیڈکوارٹر میں جاری کردہ بیان میں کہا، "سیکرٹری جنرل ان بزدلانہ اور غیر انسانی دہشت گردانہ حملوں کی سخت الفاظ میں مذمت کرتے ہیں۔ سیکرٹری جنرل کا کہنا ہے کہ شہریوں پر حملے اور اہم وسائل کی تباہی ناقابلِ قبول اور انسانی حقوق کی سنگین خلاف ورزی ہے۔”

یہ بھی پڑھیں: ریاستی امن معاہدہ کُرم کےتکفیری وہابی دہشت گردوں کی جوتی کی نوک پر، ایک اور شیعہ جوان شہید

سیکرٹری جنرل نے متاثرہ خاندانوں سے دلی ہمدردی کا اظہار کیا اور حکومتِ پاکستان سے مطالبہ کیا کہ وہ فوری طور پر غیر جانبدارانہ تحقیقات کرے، ذمہ داران کو انصاف کے کٹہرے میں لائے، اور متاثرہ علاقوں میں امن و امان کو یقینی بنائے۔

علاوہ ازیں، سیکرٹری جنرل نے عالمی برادری پر زور دیا کہ وہ کرم کے عوام کے ساتھ کھڑی ہو اور انسانی بحران کو کم کرنے کے لیے فوری امداد فراہم کرے۔

یہ بیان عالمی برادری کے اس عزم کی یاد دہانی ہے کہ امن قائم کیا جائے اور بے گناہ جانوں کے تحفظ کو یقینی بنایا جائے۔ دہشت گردی کے ایسے واقعات، چاہے وہ شہریوں کو نشانہ بنائیں یا وسائل کو، کسی بھی صورت ناقابل قبول ہیں اور انہیں ہر حال میں روکا جانا چاہیے۔