دنیا

اقوام متحدہ، شہید صدر رئیسی کی یاد میں تعزیتی ریفرنس ہوگا

شیعہ نیوز: شہید صدر رئیسی اور شہید عبداللہیان کی یاد میں اقوام متحدہ کے تحت تعزیتی ریفرنس کا انعقاد کیا جائے گا۔

رپورٹ کے مطابق اقوام متحدہ نے کہا ہے کہ شہید ایرانی صدر آیت اللہ رئیسی، شہید وزیرخارجہ عبداللہیان اور دیگر شہداء کی یاد میں اگلے ہفتے ایک تعزیتی ریفرنس منعقد کیا جائے گا۔

یہ بھی پڑھیں : مشکلات کی گھڑی میں ایران کے ساتھ کھڑے ہیں، دمیتری پسکوف

اس سے پہلے ہیلی کاپٹر سانحے میں صدر آیت اللہ سید ابراہیم رئیسی اور وزیر خارجہ ڈاکٹر حسین امیر عبداللّہیان اور ان کے ساتھیوں کی شہادت کے سوگ میں اقوام متحدہ کی جنرل اسمبلی میں ایک منٹ کی خاموشی اختیار کی گئی۔

رپورٹ کے مطابق جمعرات کو جنرل اسمبلی کے اجلاس کے آغاز میں چیئرمین اور حاضرین نے ایک منٹ خاموشی اختیار کرکے صدر آیت اللہ سید ابراہیم رئیسی کی شہادت پر تعزیت پیش کی۔

جنرل اسمبلی کے چیئرمین ڈینس فرانسس نے اجلاس کے آغاز میں کہا کہ ہم جنرل اسمبلی کی جانب سے صدر ایران کی شہادت پر تعزیت پیش کرتے ہیں اور ایران کے مندوب سے درخواست کرتے ہیں کہ اس ادارے کی جانب سے ایران کی حکومت، عوام اور شہید آیت اللہ سید ابراہیم رئیسی کے لواحقین کو تعزیت پیش کریں۔

اس کے بعد انھوں نے اراکین سے درخواست کی کہ شہید سید ابراہیم رئیسی کے احترام میں ایک منٹ کے لئے کھڑے ہوکر خاموشی اختیار کریں۔

قابل ذکر ہے کہ اس سے پہلے سلامتی کونسل میں بھی اراکین نے ایک منٹ خاموش کھڑے ہوکر صدر ایران کی شہادت پر تعزیت پیش کی جبکہ اقوام متحدہ کا پرچم شہید صدر کے سوگ میں ایک دن کے لئے جھکا دیا گیا تھا۔

اسی کے ساتھ دنیا کے 50 سے زائد ملکوں کے سفیروں اور مندوبین نے اقوام متحدہ میں ایران کے نمائندہ دفتر میں جاکر تعزیت پیش کی اور تعزیتی رجسٹر پر اپنے تاثرات لکھے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button