یورینیم کی افزودگی ہر حال میں ملک کے اندر جاری رہے گی، وزیر خارجہ عراقچی

شیعہ نیوز: وزیر خارجہ سید عباس عراقچی نے جمعہ کے روز استنبول میں ایران اور یورپی ٹرائیکا کے مذاکرات کے بارے میں بتایا کہ یہ نشست ایران کے اٹل موقف سے یورپ کو مطلع کرنے کے لیے کی منعقد ہوگی۔

سید عباس عراقچی نے کہا ہے کہ ایران اپنے ایٹمی پروگرام کو ایک معقول اور منطقی انداز میں آگے بڑھائے گا۔

وزیر خارجہ نے کہا کہ تہران نے بعض ممالک کی تشویش کو دور کرنے کی ہر ممکنہ کوشش کی ہے البتہ ایران کا مطالبہ ہے کہ پرامن ایٹمی ٹیکنالوجی کے استعمال من جملہ یورینیم کی افزودگی پر مبنی ایران کے حق کا لحاظ رکھا جائے۔

یہ بھی پڑھیں : غزہ میں انسانی المیہ کو روکنے کے لیے فوری طور پر مؤثر اقدام کیا جائے، 100 سے زیادہ عالمی اداروں کی اپیل

انہوں نے زور دیکر کہا کہ [12 روزہ مسلط کردہ] جنگ کے بعد، ضرورت اس بات کی تھی کہ یورپی فریق کو سمجھا دیا جائے کہ ایران بدستور اپنے مستحکم موقف پر قائم ہے اور یورینیم کی افزودگی کا سلسلہ ہر حال میں ملک کے اندر جاری رہے گا۔

وزیر خارجہ نے زور دیکر کہا کہ ایرانی عوام کے اس حق سے دستبردار ہونے کا سوال نہیں اٹھتا۔

انہوں نے کہا کہ 25 جولائی بروز جمعہ استنبول میں ایران اور یورپی ٹرائیکا کے مابین مذاکرات ہوں گے جو گزشتہ مذاکرات کا تسلسل ہے۔

سید عباس عراقچی نے کہا کہ ایران کا موقف واضح اور اٹل ہے۔