ایران کے بارے میں امریکہ کا موقف واضح نہیں، زیادہ انتظار نہیں کر سکتے، روس

شیعہ نیوز: ویانا میں روس کے نمائندے کا کہنا ہے کہ ایران کے بارے میں امریکہ کا موقف غیر واضح ہے، مذاکرات میں پیش رفت کے لئے زیادہ انتظار نہیں کیا جاسکتا۔

رپورٹ کے مطابق، آسٹریا کے دارالحکومت ویانا میں بین الاقوامی اداروں کے لئے روس کے مستقل نمائندے میخائل الیانوف نے ایران کے حوالے سے امریکی موقف کی عدم شفافیت پر تشویش کا اظہار کیا۔

یہ بھی پڑھیں : مصر اور قطر کی جانب سے غزہ میں 7 سالہ جنگ بندی کی نئی تجویز

انہوں نے اپنے سوشل میڈیا اکاؤنٹ پر لکھا کہ "ایران کا موقف واضح ہے، بدقسمتی سے، ہم امریکی موقف کے لئے ایک جیسی تعریف استعمال نہیں کر سکتے۔ آئیے انتظار کریں، لیکن ہم زیادہ انتظار نہیں کر سکتے۔

ایرانی صدر نے پیر کے روز اس بات پر زور دیا کہ اگر ایران کے قومی مفادات کا احترام کیا جائے تو تہران امریکہ کے ساتھ برابری کی پوزیشن سے جوہری معاہدے تک پہنچنے کے لیے تیار ہے۔”