مشرق وسطی

ہم شہید قاسم سلیمانی کے ساتھ مسلم فوج کی تشکیل کے معاہدے تک پہنچ چکے تھے، عراقی مفتی

شیعہ نیوز: عراق کے مفتی اہل سنت شیخ مہدی الصمیدعی نے کہا کہ ہم سپاہ قدس کے سربراہ شہید جنرل قاسم سلیمانی کے ساتھ مسلم فوج کی تشکیل پر رضامند ہو چکے تھے۔

عراقی مفتی شیخ مہدی الصمیدعی نے ان خیالات کا اظہار لبنان میں ’’البنیان المرصوص‘‘ کے نام سے ہونے والی مقاومتی علماء اتحاد کی چھٹی کانفرنس سے خطاب میں کیا۔

یہ بھی پڑھیں : اسرائیل کے وزیر بینی گینٹس نیتن یاہو کی اجازت کے بغیر ہی امریکہ پہنچ گئے

انہوں نے کہا کہ میں نے 12 بار شہید قاسم سلیمانی کے ساتھ ملاقات کی اور ان ملاقاتوں میں شیعہ و سنی مسلمانوں کی مشترکہ مسلم فوج کی تشکیل کے بارے میں بات چیت کی اور اس معاملے پر ہمارے درمیان اتفاق ہو چکا تھا۔ اپنے خطاب میں شیخ مهدی الصمیدعی نے جنرل قاسم سلیمانی کو اپنا عزیز دوست قرار دیا۔

شیخ مہدی الصمیدعی نے اس امید کا اظہار کیا کہ یہ فوج مقاومتی مرکز سے جڑے ممالک کے تعاون سے ایک دن ضرور تیار ہو گی۔

مفتی عراق نے کہا کہ اگر عرب ممالک آپس میں متحد ہو جائیں تو دشمن ان کا مقابلہ نہیں کر سکتا۔ واضح رہے کہ اس کانفرنس میں حزب‌ الله لبنان کے ڈپٹی سیکرٹری جنرل شیخ نعیم قاسم، حماس کے سینئر رہنما اسامہ حمدان، جہاد اسلامی کے سینئر رہنما محمد الہندی اور عالمی مقاومتی علماء کونسل کے سربراہ ماہر حمود سمیت استقامتی فرنٹ کی اہم شخصیات موجود تھیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button