قدس شریف کی آزادی کے عظیم مقصد سے پیچھے نہیں ہٹیں گے، زینب نصر اللہ
شیعہ نیوز: شہید حسن نصر اللہ کی بیٹی زینب نصر اللہ نے کہا کہ قدس شریف کی آزادی ایک عظیم مقصد ہے جس سے ہم کبھی پیچھے نہیں ہٹیں گے۔
رپورٹ کے مطابق حزب اللہ لبنان کے سابق سربراہ شہید سید حسن نصر اللہ کی بیٹی زینب نصر اللہ نے کہا کہ مقاومت کا محاذ اور ظالموں کے خلاف مزاحمت امام زمان علیہ السلام کے ظہور کی تیاری اور مقدمہ ہے۔
انہوں نے کہا کہ ہمیں اسلامی اقدار کے دفاع میں ثابت قدم رہنا چاہیے، یہی عمل خدا کی طرف سے کامیابی اور امام زمان علیہ السلام کے ظہور کے لیے راہ ہموار کرے گا۔
یہ بھی پڑھیں : یوم القدس صرف فلسطین کے مظلوم عوام کی حمایت کا دن نہیں بلکہ پوری انسانیت کے ضمیر کو جھنجھوڑنے کا موقع ہے،علامہ علی اکبر کاظمی
زینب نصر اللہ نے مزید کہا کہ ہمارا ایمان اللہ کی رضا پر ہونا چاہیے، اور اس کے لیے ہمیں ہر قسم کی قربانی اور ایثار کے لیے تیار رہنا چاہیے۔
انہوں نے کہا کہ قدس شریف کی آزادی ہمارا بڑا مقصد ہے جس سے ہم کبھی پیچھے نہیں ہٹیں گے۔ مزاحمتی محاذ کے کمانڈروں اور اہم شخصیات کی شہادتوں نے مقاومت کو مزید مستحکم کیا ہے۔ صہیونی حکومت نے سید حسن نصر اللہ کی شہادت کے بعد یہ سوچا تھا کہ مقاومت ختم ہو جائے گی، لیکن حقیقت میں یہ شہادتیں مزاحمت کے راستے کو مزید مضبوط بناتی ہیں۔
زینب نصر اللہ نے کہا کہ ہم اللہ کے راستے میں اور اسلامی اقدار کے دفاع میں کسی بھی قربانی سے دریغ نہیں کریں گے اور اللہ بھی اپنی سنت کے مطابق مجاہدوں کو کبھی اکیلا نہیں چھوڑے گا۔
زینب نصر اللہ نے اس بات پر زور دیا کہ حزب اللہ لبنان کبھی بھی پیچھے نہیں ہٹے گی اور آج دنیا لبنان کے لوگوں کو ایک مقاومت کرنے والی قوم کے طور پر جانتی ہے۔ دشمن اور دوست دونوں کو یہ جاننا چاہیے کہ تمام مشکلات اور مصائب کے باوجود یہ راستہ رکنے والا نہیں ہے۔
