مشرق وسطی

یمنی فورسز کے ہاتھوں امریکی ڈرون تباہ

شیعہ نیوز (پاکستانی شیعہ خبر رساں ادارہ) یمنی فوج نے ملک کی فضاؤں میں جاسوسی میں مصروف ایک اور امریکی ڈرون کو مار گرایا۔

فارس خبر رساں ایجنسی کی رپورٹ کے مطابق یمنی فورسز کے مطابق جاسوسی ڈرون اسکین ایگل کو صوبہ مآرب میں اس وقت مار گرایا جب یہ ڈرون جاسوسی آپریشن کر رہا تھا۔ یہ امریکہ کا بنا ہوا ڈرون ہے جسے یمن کے خلاف سعودی اتحاد زیادہ استعمال کرتا ہے۔

یمن کی مسلح افواج کے ترجمان بریگیڈیئر یحیی سریع نے کل رات اس واقعہ کی خبر دیتے ہوئے کہا کہ امریکہ میں بنا یہ ڈرون صوبہ مآرب کے ’الجوبہ‘ علاقے میں یمنی فورسز کے اینٹی ایئر کرافت سسٹم کا نشانہ بنا۔

یحیی سریع نے مزید بتایا کہ اس ڈرون کو ایک خاص اسلحے سے مار گرایا گیا جسکی تصویر جلد ہی شائع کی جائے گی۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button