یمنی فورسز نے ایک اور امریکی ڈرون مار گرایا

شیعہ نیوز: یمنی فورسز نے امریکا کا ڈرون طیارہ گرانے کا دعویٰ کر دیا ہے۔ یمن نے امریکا کے ایم کیو 9 ڈرون گرانے کی ویڈیو بھی جاری کر دی ہے، ویڈیو میں فضا میں کسی چیز کو جلتے اور اس کا ملبہ زمین پر گرتے دکھایا گیا ہے۔ یمن کے حکام نے کہا ہے کہ انہوں نے شمالی یمن میں پرواز کرنے والے ایک اور امریکی ساختہ ایم کیو-9 ریپر ڈرون کو مار گرایا ہے۔ ایک بیان میں گروپ کے فوجی ترجمان یحییٰ سری نے کہا کہ امریکی ڈرون کو گروپ کے فضائی دفاع نے اس وقت روکا جب وہ صوبہ سعدہ کے اوپر پرواز کر رہا تھا۔ غزہ کی حمایت میں اپنی فوجی کارروائیاں شروع کرنے کے بعد سے اب تک 11 امریکی ڈرون مار گرائے ہیں، جو گزشتہ اکتوبر سے اسرائیلی حملوں کی زد میں ہے۔ امریکی فوج نے ابھی تک یمن کے اعلان پر کوئی تبصرہ نہیں کیا ہے۔ انہوں نے مزید کہا کہ اتوار کے روز اسرائیل نے امریکہ کی حمایت میں مغربی یمن کے صوبہ الحدیدہ میں شہری تنصیبات پر 17 فضائی حملے کیے۔