ملاکنڈ :سی ٹی ڈی کی کارروائی،دہشت گردوں کے 2سہولت کارگرفتار

شیعہ نیوز ( پاکستابی شیعہ خبر رساں ادارہ ) ملاکنڈ میں پولیس کے محکمہ انسداد دہشت گردی (سی ٹی ڈی )نے ایک کارروائی کےدوران دہشت گردوں کے 2سہولت کار گرفتار کرلئے۔ محکمہ انسداد دہشت گردی نے منگل کے روز ملاکنڈ کے علاقے کابل گرام میں کارروائی کرتے ہوئے دہشت گردوں کے 2 اہم سہولت کاروں کو گرفتار کرلیا۔ ملزمان اعجاز الرحمان اور ظاہراللہ کو دہشت گردوں کو پناہ دینے اور اسلحہ فراہم کرنے پر گرفتار کیا گیا۔ دوسری جانب چارسدہ کے علاقے شبقدر میں بھی پولیس اور حساس اداروں نے ایک کارروائی کے دوران مکان میں چھاپہ مارا۔ جس کے نتیجے میں 2 خود کش جیکٹ، بارودی مواد، 2 دستی بم، 3 پستول اور ایک کلاشنکوف برآمد کرلی۔