دیسی ساختہ بم کا دھماکہ، 2 پاکستانی فوجی جاں بحق

شیعہ نیوز(بنوں) پاک افغان سرحد کے قریب ایک دیسی ساختہ بم دھماکے میں 2 پاکستانی فوجی جاں بحق ہو گئے۔ آئی ایس پی آر نے جمعرات کی شام تصدیق کی ہے کہ غلام خان علاقے میں دیسی ساختہ بم دھماکے میں 2 فوجی جاں بحق ہوگئے۔ اس سے قبل بنوں میں سدگئی کے قریب ایف آر کے علاقے میں ایک سڑک حادثے میں 7 فوجی زخمی ہو گئے، حادثے میں گاڑی الٹ گئی۔ حکام کے مطابق حادثہ اس وقت ہوا جب گاڑی میر علی سے واپس آ رہی تھی۔ زخمیوں کو بنوں میں سی ایم ایچ ہسپتال منتقل کر دیا گیا ہے۔