پاکستانی شیعہ خبریں

ایم ڈبلیو ایم ضلع ایبٹ آباد کے زیر اہتمام یوم ضربت علی (ع) کی مناسبت سے مجلس عزاء کا اہتمام

شیعہ نیوز(ایبٹ آباد) مجلس وحدت مسلمین یونین کونسل جھنگڑہ کے زیر اہتمام یوم ضربت علی علیہ السلام کی مناسب سے مجلس عزا و افطار کا اہتمام کیا گیا، جس کا آغاز حسین علوی مشہدی نے زیارت عاشورہ پڑھ کر کیا۔ اس کے بعد ضلعی سیکرٹری جنرل ایم ڈبلیو ایم سید مدثر علی کاظمی نے دعا توسل کی تلاوت کی اور شرکائے سے خطاب کرتے ہوئے کہا کہ مولائے کائنات حضرت علی ابن ابی طالب علیہ السلام کی سیرت مقدسہ پر عمل پیرا ہونے میں ہی ہماری نجات ہے۔ علی علی کر کے جرم کرنا مولائے متقیان (ع) کو پسند نہیں۔ مولا علی (ع) اس کائنات میں انسانیت کو جرم سے چھٹکارہ دینے کے لئے آئے تھے نہ کہ مجرموں کو چھڑانے کے لئے۔ بعد ازاں حسین علوی مشہدی نے خطاب کرتے ہوئے کہا کہ ماہ صیام تقویٰ اختیار کرنے کے لئے اللہ تعالیٰ کی طرف سے بہترین عنایت ہے۔ اور مولا متقیان (ع) کو ماننے والا ہی متقی ہو سکتا ہے۔ جبکہ شاعر اہلبیت (ع) سید نجم الحسن کاظمی اور ایم ڈبلیو ایم یو سی جھنگڑہ کے سیکرٹری جنرل سید فراست شاہ نے بھی مولا کائنات (ع) سے اپنی عقیدت کا اظہار کیا۔ آخر میں نماز مغربین کے بعد افطاری کا اہتمام کیا گیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button